Fyrrverandi slökkviliðsmaður heiðraður á 98 ára afmælisdaginn

Brunavarðafélag Reykjavíkur heiðraði í dag Gunnar Val Þorgeirsson, fyrrverandi slökkviliðsmann, fyrir vel unnin störf en Gunnar fagnaði 98 ára afmæli sínu í dag og var af því tilefni veitt viðurkenning frá félaginu.

Gunnar hefur verið í 70 ár í Brunavarðafélaginu og vann í 40 ár hjá Slökkviliðinu í Reykjavík. Vilhelm Gunnarsson, ljósmyndari Vísis og Fréttablaðsins, tók meðfylgjandi myndir þegar Gunnari var veitt viðurkenningin í dag en með honum á myndunum eru þeir Ari Hauksson, formaður Brunavarðafélags Reykjavíkur, og Jónas Árnason, varaformaður félagsins.