Arnar Eggert kemur út úr skápnum sem Creed aðdáandi: „Ég óttast ekki útskúfun samfélagsins lengur“

„Ég læt ekki spíral þagnarinnar hefta mig lengur,“ segir Arnar Eggert Thoroddsen, einn helsti tónlistarsérfræðingur þjóðarinnar, á Facebook og deilir í leiðinni laginu My Own Prison með hljómsveitinni Creed.

„Ég óttast ekki útskúfun samfélagsins lengur. Ég ber mér á brjóst, til fjandans með afleiðingarnar, og hrópa: ÉG FÍLA ÞETTA LAG!!!“

Arnar hefur komið út úr skápnum sem aðdáandi Creed en það hefur stundum verið talið nokkuð hallærislegt að hlusta á rokksveitina Creed. Kannski eru breyttir tímar framundan.

Creed var stofnuð árið 1993 og var starfandi til ársins 2012 með hléum.