Jafntefli í heimkomu Klopp

Jürgen Klopp snéri aftur á sinn gamla heimavöll í Dortmund í kvöld og fer heim til Liverpool með jafntefli í farteskinu.

Hann fékk frábærar móttökur hjá fólkinu í Dortmund og þakkaði vel fyrir sig í leikslok. Knúsaði alla leikmenn Dortmund og klappaði fyrir áhorfendum.

Divock Origi kom Liverpool yfir í fyrri hálfleik en Mats Hummels náði að jafna í upphafi þeim síðari.

Þrátt fyrir ágæt tilþrif hjá báðum liðum þá náðu þau ekki að bæta við liðum.

Þetta var fyrri leikur liðanna í átta liða úrslitum Evrópudeildarinnar og Liverpool stendur ansi vel að vígi.