Flugslysið í Rússlandi: Gölluðum flöpsum um að kenna

Upptökur úr flugritum rússnesku flugvélarinnar sem fórst í Svartahafi á sunnudag benda til að gölluðum flöpsum á vængjum vélarinnar hafi verið um að kenna að hún hrapaði.

Rússneskir fjölmiðlar greina frá þessu í dag. Flapsar vélarinnar, sem eiga þátt í að vél geti tekið á loft, virðast ekki hafa hreyfst sem skyldi. Í frétt BBC segir að þetta hafi leitt til að flugmenn vélarinnar misstu stjórn á vélinni.

Vélin var af gerðinni Tu-154 og var á leið frá borginni Sochi við Svartahaf á leið til Sýrlands. Allir þeir 92 sem voru um borð fórust.

Um borð í vélinni voru meðal annars 64 meðlimir Alexandrov-kórsins, hers Rauða hersins. Kórinn var á leið til Sýrlands þar sem þeir áttu að koma fram fyrir rússneska hermenn sem þar eru.