Dr. Heimlich er látinn

Læknirinn frægi, Henry Heimlich, er látinn. Hann lést á sjúkrahúsi í Cincinnati í Bandaríkjunum í dag eftir að hann fékk hjartaáfall. Heimlich var 96 ára gamall. Hann er þekktastur fyrir að hafa fundið upp Heimlichbragðið svokallaða, sem hefur bjargað fjölda manna frá köfnun.

Sjálfur beitti hann bragðinu og bjargaði lífi konu á öldrunarheimili sínu í maí á þessu ári.

Sjá einnig: Dr. Heimlich beitti heimlich bragðinu

Samkvæmt BBC er talið að minnst hundrað þúsund manns hafi verið bjargað með Heimlichbragðinu frá því það var uppgötvað árið 1974. Þar á meðal eru Ronald Reagan, Elizabeth Taylor, Goldie Hawn og Carrie Fisher.