Stóðu menn upp úr hjólastólum á Anfield?

Endurkoma Liverpool gegn Dortmund í gær var kraftaverk en glöggir menn eru á því að kraftaverkin hafi verið fleiri á Anfield í gær.

Er Dejan Lovren skoraði dramatískt sigurmark í uppbótartíma gjörsamlega trylltist allt á Anfield.

Krafturinn á vellinum var ótrúlegur og svo ótrúlegur að fólk virtist standa upp úr hjólastólum fyrir aftan markið sem skorað var í.

Ef rýnt er í myndirnar virðist það aftur á móti vera aðstoðarfólk fólksins í hjólastólunum sem stendur upp.

Hægt er að sjá fólkið fyrir aftan markið á myndskeiðinu hér að ofan.