Klopp: Hefðum átt að skora fleiri mörk

Jürgen Klopp, stjóri Liverpool, var vitanlega ánægður með sigurinn á Man. Utd í Evrópudeildinni í kvöld.

„Þetta var ekki svo slæmt en við hefðum átt að skora fleiri mörk. Við fengum færin. Þetta er samt ekki búið og nú höldum við til Manchester,“ sagði Klopp.

„Andrúmsloftið á vellinum var stórkostlegt. Ég gleðst með þeim sem hafa staðið með okkur í gegnum það súra. Nú erum við að gefa til baka.“

Strákarnir hans Klopp voru mjög flottir í kvöld og mörgum klössum betri en leikmenn Man. Utd.

„Það skiptir ekki máli hvernig maður spilar gegn Man. Utd því það er alltaf erfitt að skapa færi. Þess vegna hefði ég viljað fá fleiri mörk í kvöld út af öllum þessum færum.“