Hafdís Helga leikur í sinni fyrstu stórmynd Guðrún Jóna Stefánsdóttir skrifar 16. febrúar 2016 12:15 Hafdís Helga Helgadóttir fer með eitt af aðalhlutverkum kvikmyndarinnar Fyrir framan annað fólk. vísir/Ernir Hafdís Helga Helgadóttir leikur eitt af aðalhlutverkunum í kvikmyndinni Fyrir framan annað fólk sem verður frumsýnd 22. febrúar. Myndin er rómantísk kómedía í leikstjórn Óskars Jónassonar. "Ég leik Hönnu sem er nýkomin úr sambandi sem endaði alls ekki vel. Hún er staðráðin í því að vera ein í einhvern tíma og vinna í sjálfri sér. Hanna stendur á ákveðnum tímamótum í lífinu þegar hún hittir hlédræga auglýsingateiknarann Húbert sem leikinn er af Snorra Engilbertssyni.“ segir Hafdís Helga Helgadóttir leikkona um hlutverk sitt í kvikmyndinni. Margt hefur drifið á daga Hafdísar frá því hún útskrifaðist úr Listaháskóla Íslands en hlutverk Hönnu fékk hún á hárréttum tíma. „Í kjölfarið á útskriftinni minni komst ég að því að ég væri ólétt, og því ákvað ég að hella mér alfarið í móðurhlutverkið og lagði leiklistina aðeins til hliðar. Það var svo þegar litli strákurinn minn varð eins árs sem ég fékk þetta hlutverk, sem var frábær tímasetning fyrir mig,“ segir Hafdís Helga sem leikur nú í sinni fyrstu stórmynd. Kvikmyndin Fyrir framan annað fólk er rómantísk kómedía sem Óskar Jónasson leikstýrir en hann sá einnig um handritsskrifin ásamt Kristjáni Þórði Hrafnssyni leikskáldi. Myndin segir frá Húberti, grafískum hönnuði sem er afar hlédrægur og alls ekki laginn við að nálgast kvenfólk. Hann verður ástfanginn af Hönnu, sem er í sárum eftir sambandsslit. Til að ganga í augun á henni bregður Húbert á það ráð að herma eftir yfirmanni sínum, sem er algjör kvennabósi. Það dugar til að byrja með, en málin taka óvænta stefnu með ófyrirsjáanlegum afleiðingum. „Þetta er búið að vera frábært ferli og æðislegt tækifæri fyrir mig að fá að vinna með svona flottu fólki. Við fengum frekar langt æfingatímabil, áður en myndin fór í tökur, það var mjög dýrmætt fyrir mig sem leikkonu,“ segir Hafdís Helga. Ásamt Hafdísi Helgu og Snorra fara Hilmir Snær Guðnason, Svandís Dóra Einarsdóttir, Pálmi Gestsson, Hanna María Karlsdóttir, Katla Margrét Þorgeirsdóttir og Þórir Sæmundsson með hlutverk í myndinni. Það er óhætt að segja að Hafdís Helga eigi framtíðina fyrir sér sem leikkona en fram undan hjá henni er verkefni með leikhópnum Sóma þjóðar. „Fram undan er mjög spennandi verkefni með leikhópnum Sóma þjóðar sem er að fara að setja upp leikritið Galdra-Loft eftir Jóhann Sigurjónsson í Tjarnarbíói núna í vor, það er virkilega spennandi,“ segir Hafdís. Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Hafdís Helga Helgadóttir leikur eitt af aðalhlutverkunum í kvikmyndinni Fyrir framan annað fólk sem verður frumsýnd 22. febrúar. Myndin er rómantísk kómedía í leikstjórn Óskars Jónassonar. "Ég leik Hönnu sem er nýkomin úr sambandi sem endaði alls ekki vel. Hún er staðráðin í því að vera ein í einhvern tíma og vinna í sjálfri sér. Hanna stendur á ákveðnum tímamótum í lífinu þegar hún hittir hlédræga auglýsingateiknarann Húbert sem leikinn er af Snorra Engilbertssyni.“ segir Hafdís Helga Helgadóttir leikkona um hlutverk sitt í kvikmyndinni. Margt hefur drifið á daga Hafdísar frá því hún útskrifaðist úr Listaháskóla Íslands en hlutverk Hönnu fékk hún á hárréttum tíma. „Í kjölfarið á útskriftinni minni komst ég að því að ég væri ólétt, og því ákvað ég að hella mér alfarið í móðurhlutverkið og lagði leiklistina aðeins til hliðar. Það var svo þegar litli strákurinn minn varð eins árs sem ég fékk þetta hlutverk, sem var frábær tímasetning fyrir mig,“ segir Hafdís Helga sem leikur nú í sinni fyrstu stórmynd. Kvikmyndin Fyrir framan annað fólk er rómantísk kómedía sem Óskar Jónasson leikstýrir en hann sá einnig um handritsskrifin ásamt Kristjáni Þórði Hrafnssyni leikskáldi. Myndin segir frá Húberti, grafískum hönnuði sem er afar hlédrægur og alls ekki laginn við að nálgast kvenfólk. Hann verður ástfanginn af Hönnu, sem er í sárum eftir sambandsslit. Til að ganga í augun á henni bregður Húbert á það ráð að herma eftir yfirmanni sínum, sem er algjör kvennabósi. Það dugar til að byrja með, en málin taka óvænta stefnu með ófyrirsjáanlegum afleiðingum. „Þetta er búið að vera frábært ferli og æðislegt tækifæri fyrir mig að fá að vinna með svona flottu fólki. Við fengum frekar langt æfingatímabil, áður en myndin fór í tökur, það var mjög dýrmætt fyrir mig sem leikkonu,“ segir Hafdís Helga. Ásamt Hafdísi Helgu og Snorra fara Hilmir Snær Guðnason, Svandís Dóra Einarsdóttir, Pálmi Gestsson, Hanna María Karlsdóttir, Katla Margrét Þorgeirsdóttir og Þórir Sæmundsson með hlutverk í myndinni. Það er óhætt að segja að Hafdís Helga eigi framtíðina fyrir sér sem leikkona en fram undan hjá henni er verkefni með leikhópnum Sóma þjóðar. „Fram undan er mjög spennandi verkefni með leikhópnum Sóma þjóðar sem er að fara að setja upp leikritið Galdra-Loft eftir Jóhann Sigurjónsson í Tjarnarbíói núna í vor, það er virkilega spennandi,“ segir Hafdís.
Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira