Plokkfiskur, limbó og Einarinn á heimildarmyndahátíð Gyða Lóa Ólafsdóttir skrifar 12. maí 2016 10:30 Helga Rakel Rafnsdóttir er einn af aðstandendum hátíðarinnar sem hún segir mikla stemningshátíð. Vísir/Stefán Skjaldborg – hátíð íslenskra heimildarmynda fer fram í tíunda sinn á Patreksfirði um helgina. Hátíðin er tileinkuð alls konar heimildarmyndum og á dagskránni eru bæði örstuttar myndir sem og heimildarmyndir í fullri lengd og eru efnistökin fjölbreytt. „Í ár erum við að frumsýna þrettán íslenskar heimildarmyndir og umfjöllunarefnin eru mjög fjölbreytt og myndirnar af öllum stærðum og gerðum. Frá átta mínútum og upp í tveggja tíma myndir,“ segir Helga Rakel Rafnsdóttir, ein af aðstandendum hátíðarinnar. Heiðursgestur hátíðarinnar í ár er spænski leikstjórinn Jose Luis Guerin, sem er einna þekktastur fyrir myndina En Construcción sem vann til fjölda verðlauna á Spáni en myndin verður sýnd á Skjaldborg í ár. Einnig var mynd hans The City of Sylvia frá árinu 2007 frumsýnd í aðalkeppni kvikmyndahátíðarinnar í Feneyjum. Ókeypis er inn á allar heimildarmyndir sem keppa um áhorfendaverðlaunin Einarinn en gestir eiga möguleika á að kaupa armband, sem gildir í sjávarréttaveislu, plokkfiskboð kvenfélagsins, dansleik og í sundlaugina, á 4.000 krónur í forsölu eða 5.000 krónur á staðnum. Helga Rakel mælir svo sannarlega með að áhugasamir mæti í plokkfiskinn og sjávarréttaveisluna sem eru fastir hlutar dagskrárinnar. „Þetta er mikil stemningshátíð. Það er ekki nóg að hafa bara góðar heimildarmyndir því ég er ekki viss um að fólk myndi nenna að fara alla þessa leið nema einmitt líka fyrir þessa góðu stemningu,“ segir hún glöð í bragði og auðheyrt er að hún hlakkar til helgarinnar. „Svo erum við líka alltaf með lið sem heitir Verk í vinnslu og þá kemur fólk og kynnir það sem það er að gera, sýnir aðeins úr myndunum sínum og talar um þær. Þessar myndir koma líka oft inn á Skjaldborg seinna og þá eru margir fastagestir kannski búnir að vera að fylgjast með verkunum í lengri tíma,“ útskýrir hún. „Kolla Sibb sem er viðfangsefni einnar myndarinnar á hátíðinni kemur til okkar. Hún býr á Selfossi og er trúbador og hún mætir með gítarinn,“ segir Helga og bætir við að einnig verði tónleikar í heitum potti auk annarra fastra liða á borð við limbókeppni og skrúðgöngu á lokakvöldi hátíðarinnar á sunnudag. Áhorfendaverðlaunin Einar eru nefnd eftir smíðakennaranum í bænum, Einari Skarphéðinssyni, en hann sér um að smíða verðlaunagrip hvers árs og leggur mikla vinnu í að velja efniviðinn í hann. Í fyrra var það myndin Hvað er svona merkilegt við það? eftir Höllu Kristínu Einarsdóttur sem hreppti hnossið. Hátíðin fer líkt og áður sagði fram á Patreksfirði og hefst annað kvöld. Allar nánari upplýsingar er hægt að nálgast á vefsíðunni skjaldborg.is.Fréttin birtist fyrst í Fréttablaðinu 12. maí. Bíó og sjónvarp Menning Mest lesið „Ég hef aldrei reynt að verða nokkur skapaður hlutur“ Tónlist Þjóðarsálin í reiðhöllinni Lífið „Þetta er enginn helvítis félagskvíði, það bara þolir mig enginn“ Áskorun Inga Tinna og Logi greina frá kyni barnsins Lífið Segir hjálminum að þakka að hann sé á lífi Lífið Lofar svakalegri veislu Tónlist Tengdasonur Íslands trúðaði Simon Cowell upp úr skónum Bíó og sjónvarp Heilmikil skemmtidagskrá og samsöngur á Þingvöllum í dag Lífið Heiður Ósk og Davíð eru nýtt par Lífið Arnar Þór selur Arnarneshöllina Lífið Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Skjaldborg – hátíð íslenskra heimildarmynda fer fram í tíunda sinn á Patreksfirði um helgina. Hátíðin er tileinkuð alls konar heimildarmyndum og á dagskránni eru bæði örstuttar myndir sem og heimildarmyndir í fullri lengd og eru efnistökin fjölbreytt. „Í ár erum við að frumsýna þrettán íslenskar heimildarmyndir og umfjöllunarefnin eru mjög fjölbreytt og myndirnar af öllum stærðum og gerðum. Frá átta mínútum og upp í tveggja tíma myndir,“ segir Helga Rakel Rafnsdóttir, ein af aðstandendum hátíðarinnar. Heiðursgestur hátíðarinnar í ár er spænski leikstjórinn Jose Luis Guerin, sem er einna þekktastur fyrir myndina En Construcción sem vann til fjölda verðlauna á Spáni en myndin verður sýnd á Skjaldborg í ár. Einnig var mynd hans The City of Sylvia frá árinu 2007 frumsýnd í aðalkeppni kvikmyndahátíðarinnar í Feneyjum. Ókeypis er inn á allar heimildarmyndir sem keppa um áhorfendaverðlaunin Einarinn en gestir eiga möguleika á að kaupa armband, sem gildir í sjávarréttaveislu, plokkfiskboð kvenfélagsins, dansleik og í sundlaugina, á 4.000 krónur í forsölu eða 5.000 krónur á staðnum. Helga Rakel mælir svo sannarlega með að áhugasamir mæti í plokkfiskinn og sjávarréttaveisluna sem eru fastir hlutar dagskrárinnar. „Þetta er mikil stemningshátíð. Það er ekki nóg að hafa bara góðar heimildarmyndir því ég er ekki viss um að fólk myndi nenna að fara alla þessa leið nema einmitt líka fyrir þessa góðu stemningu,“ segir hún glöð í bragði og auðheyrt er að hún hlakkar til helgarinnar. „Svo erum við líka alltaf með lið sem heitir Verk í vinnslu og þá kemur fólk og kynnir það sem það er að gera, sýnir aðeins úr myndunum sínum og talar um þær. Þessar myndir koma líka oft inn á Skjaldborg seinna og þá eru margir fastagestir kannski búnir að vera að fylgjast með verkunum í lengri tíma,“ útskýrir hún. „Kolla Sibb sem er viðfangsefni einnar myndarinnar á hátíðinni kemur til okkar. Hún býr á Selfossi og er trúbador og hún mætir með gítarinn,“ segir Helga og bætir við að einnig verði tónleikar í heitum potti auk annarra fastra liða á borð við limbókeppni og skrúðgöngu á lokakvöldi hátíðarinnar á sunnudag. Áhorfendaverðlaunin Einar eru nefnd eftir smíðakennaranum í bænum, Einari Skarphéðinssyni, en hann sér um að smíða verðlaunagrip hvers árs og leggur mikla vinnu í að velja efniviðinn í hann. Í fyrra var það myndin Hvað er svona merkilegt við það? eftir Höllu Kristínu Einarsdóttur sem hreppti hnossið. Hátíðin fer líkt og áður sagði fram á Patreksfirði og hefst annað kvöld. Allar nánari upplýsingar er hægt að nálgast á vefsíðunni skjaldborg.is.Fréttin birtist fyrst í Fréttablaðinu 12. maí.
Bíó og sjónvarp Menning Mest lesið „Ég hef aldrei reynt að verða nokkur skapaður hlutur“ Tónlist Þjóðarsálin í reiðhöllinni Lífið „Þetta er enginn helvítis félagskvíði, það bara þolir mig enginn“ Áskorun Inga Tinna og Logi greina frá kyni barnsins Lífið Segir hjálminum að þakka að hann sé á lífi Lífið Lofar svakalegri veislu Tónlist Tengdasonur Íslands trúðaði Simon Cowell upp úr skónum Bíó og sjónvarp Heilmikil skemmtidagskrá og samsöngur á Þingvöllum í dag Lífið Heiður Ósk og Davíð eru nýtt par Lífið Arnar Þór selur Arnarneshöllina Lífið Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira