Jólabindi írsks þingmanns truflaði ræðu hans

Írski þingmaðurinn Aengu Ó Snodaigh varð fyrir gífurlegum truflunum í írska þinginu á fimmtudaginn. Þar var hann að ræða um framkvæmdir á þinghúsinu og asbest, en jólabindi hans hætti ekki að spila jólalög á meðan hann var að tala.

Samt hélt Snodaigh ræðu sinni þó áfram án þess að missa taktinn. Aðrir þingmenn virtust hins vegar eiga erfitt með að átta sig á því hvaðan tónlistin væri að koma, enda ómaði hún um allan salinn í gegnum hljóðnemann í borði Snodaigh.

Um er að ræða lögin „Jólasveinninn kemur í kvöld“ og „Við óskum þér góðra jóla“.

An Irish politician's speech was interrupted by the holiday tunes emanating from his musical tie https://t.co/2QDxSiYmqv pic.twitter.com/1qVZD9a2m5

— CNN International (@cnni) December 17, 2016