Fimmti sigur Krasnodar í röð

Ragnar Sigurðsson og félagar í Krasnodar unnu sinn fimmta leik í röð í rússneska úrvalsdeildinni þegar Anzhi kom í heimsókn á Stadion Kuban' í dag. Lokatölur 3-0, Krasnodar í vil.

Ragnar lék allan leikinn í vörn Krasnodar sem er í hörkubaráttu um rússneska meistaratitilinn.

Ragnar og félagar eru í 3. sæti deildarinnar með 49 stig, fjórum stigum á eftir toppliði CSKA Moskvu þegar fjórum umferðum er ólokið.

Krasnodar hefur haldið hreinu í síðustu fjórum leikjum sínum en liðið hefur fengið á sig næstfæst mörk í deildinni (22).