Lokun í Grindavík vegna upptöku á spennumynd

Spennumyndin Ég man þig, sem byggð er á skáldsögu Yrsu Sigurðardóttur, verður að hluta til tekin upp í Grindavík. Bæjarstjórnar Grindavíkur hefur heimilað að afmörkuðu svæði verði lokað og munu tökur fara fram þar í tvo daga síðar í þessum mánuði.

Það eru Zik Zak kvikmyndir og Sigurjón Sighvatsson sem framleiða myndina en leikstjóri hennar er Óskar Þór Axelsson sem á að baki kvikmyndina Svartur á leik.

Þorvaldur Davíð Kristjánsson mun fara með eitt af aðalhlutverkunum í myndinni ásamt Ágústu Evu Erlendsdóttur.

Myndin verður einnig tekin upp á Vestfjörðum, meðal annars á Ísafirði og á Hesteyri.