Innlent

Starfsmenn þora ekki að segja hug sinn

kristjana björg guðbrandsdóttir skrifar
Kostnaður við gerð skýrslu sem unnin var af Þóri Guðmundssyni á síðasta ári og var til grundvallar frumvarpi Gunnars Braga kostaði 10 milljónir. "Kostnaðurinn var rétt um 10 milljónir, sem var nokkru lægra en gert hafði verið ráð fyrir,“ segir Gunnar Bragi.
Kostnaður við gerð skýrslu sem unnin var af Þóri Guðmundssyni á síðasta ári og var til grundvallar frumvarpi Gunnars Braga kostaði 10 milljónir. "Kostnaðurinn var rétt um 10 milljónir, sem var nokkru lægra en gert hafði verið ráð fyrir,“ segir Gunnar Bragi. Fréttablaðið/Pjetur
Þróunarsamvinnustofnun verður lögð niður um næstu áramót nái frumvarp Gunnars Braga Sveinssonar utanríkisráðherra fram að ganga. Í frumvarpinu kemur fram að ráðherra skuli bjóða fastráðnum starfsmönnum stofnunarinnar störf í ráðuneytinu frá þeim tíma þegar stofnunin er lögð niður. Starfsmenn Þróunarsamvinnustofnunar þora ekki að segja hug sinn á fyrirhuguðum breytingum í ljósi þessa og hafa búið við mikla óvissu síðustu ár. Blaðamaður Fréttablaðsins fékk það staðfest þegar hann leitaði eftir viðbrögðum nokkurra þeirra. Gunnar Bragi segir víðtækt samráð farið fram um frumvarpið. „Sjálfur hef ég rætt við starfsmennina. Við höfum lagt áherslu á að við sameininguna verði öllum starfsmönnum ÞSSÍ boðin sambærileg störf í ráðuneytinu og að staðarráðnir og tímabundnir starfsmenn haldi sínum samningum.“

Hann segir frumvarpið lagt fram að vel ígrunduðu máli og segist fullviss um að það nái fram að ganga. „Það er byggt á ítarlegri skýrslu sem Þórir Guðmundsson vann fyrir okkur og umræðum sem við höfum átt í kjölfar hennar. Í þessu sambandi er rétt að nefna að Þróunarsamvinnunefnd OECD, sem við urðum aðilar að fyrir tæpum tveimur árum, lagði til að Ísland legði mat á skipulag og fyrirkomulag þróunarsamvinnu til að tryggja hámarksárangur og skilvirkni. Það höfum við gert og niðurstaðan er nú lögð fram á þingi.“

Sex sinnum á síðustu tuttugu árum hafa verið gerðar tilraunir til að leggja Þróunarsamvinnustofnun niður og færa starfsemi hennar undir utanríkisráðuneytið. Þetta kemur fram í Heimsljósi, fréttariti stofnunarinnar. Þar er greint frá því að stjórnsýslubreytingar hafi verið lagðar til við flesta utanríkisráðherra sem komið hafa til starfa í ráðuneytinu frá aldamótum. Í grein Gunnars Salvarssonar, ritstjóra ritsins, segir orðrétt: „Með nokkurra ára millibili – og með ærnum tilkostnaði – er lagt að nýjum ráðherrum sem koma inn í utanríkisráðuneytið að þeir leggi stofnunina niður. Í kjölfarið hefst skýrslugerð, viðtöl, óvissutími.“

Kostnaður við gerð skýrslu sem unnin var af Þóri Guðmundssyni á síðasta ári og var til grundvallar frumvarpi Gunnars Braga kostaði 10 milljónir. „Kostnaðurinn var rétt um 10 milljónir, sem var nokkru lægra en gert hafði verið ráð fyrir.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.