Semur eiginlega of mikið af tónlist 28. maí 2015 10:00 Tónlistarmaðurinn Máni Orrason fagnar nýútkominni plötu sinni í Austurbæ annað kvöld ásamt hljómsveit. Hann er bókaður á fjórar stórar tónlistarhátíðir í Þýskalandi á árinu og tónleikaferð um Evrópu. vísir/vilhelm „Ég get eiginlega ekki beðið eftir því að stíga á svið,“ segir tónlistarmaðurinn Máni Orrason en hann fagnar útgáfu sinnar fyrstu plötu annað kvöld með útgáfutónleikum í Austurbæ. Máni, sem er einungis sautján ára gamall, hefur samið tónlist frá því hann var tólf gamall og á nú þegar efni sem gæti fyllt nokkrar plötur í viðbót. „Ég var í hljómsveit þegar ég var yngri en þegar ég var tólf ára gamall flutti ég aftur til Spánar, þá byrjaði ég að semja meira og þróa mína tónlist af alvöru. Ég sem rosalega mikið af tónlist og eiginlega bara allt of mikið. Ég verð bara að skapa til að létta á mér,“ segir Máni léttur í lundu. Hann flutti til Íslands níu ára gamall en svo aftur til Spánar. Máni er fæddur í Reykjavík og ólst upp á heimili þar sem mikið var um tónlist. „Þegar ég var tveggja ára gamall flutti ég með fjölskyldunni minni til Spánar og hef búið þar mestan hluta ævi minnar,“ segir Máni spurður út í æskuna. Á uppvaxtarárum sínum var Máni fljótur að grípa hvert hljóðfæri sem hann komst yfir, og fljótlega var það ljóst að hann bjó yfir einstakri næmni og tónlistarhæfileikum. Á fyrstu plötunni hans, Repeating Patterns, endurspeglast fjölbreytileiki Mána sem lagahöfundar og hljómlistarmanns. Máni skaust fram á sjónarsviðið síðasta haust þegar hann gaf út lagið Fed All My Days, sem fór í fyrsta sæti á vinsældarlista Rásar 2 og naut gríðarlegra vinsælda í útvarpi.Máni OrrasonHann var tilnefndur til Íslensku hlustendaverðlaunanna 2015 í flokkunum nýliði ársins 2014 og tónlistarmyndband ársins. Máni var einnig tilnefndur til Íslensku tónlistarverðlaunanna 2015 í flokknum bjartasta vonin. „Ég er bara rosa heppinn því ég vissi snemma hvað ég vildi gera og síðan þá hefur þetta verið mikil ástríða hjá mér,“ segir Máni um sköpunarkraftinn. Máni er komin með hljómsveit á bak við sig sem mun koma fram með honum á tónleikunum á morgun en sveitin hefur æft af kappi fyrir tónleikana. „Æfingarnar hafa gengið mjög vel. Platan var bara sköpuð áður en hún var spiluð live, þannig að lögin hafa þróast eftir að við byrjuðum að æfa. Það er komið nýtt sound á þetta og það hefur gengið vel að skapa nýtt efni,“ útskýrir Máni. Mikið er fram undan hjá Mána en hann kemur fram ásamt hljómsveitinni sinni á Secret Solstice-hátíðinni í júní og í haust verður haldið af stað í tónleikaferð um Evrópu. Máni mun meðal annars koma fram á fjórum stórum tónlistarhátíðum í Þýskalandi á þessu ári. „Ég er bara rosa spenntur og get ekki beðið eftir því að fara spila meira í sumar.“ Það er tónlistarmaðurinn Axel Flóvent sem hitar upp á tónleikunum en húsið opnar kl. 20.00. Tónlist Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið Ganga 111 kílómetra til styrktar börnum í Gasa Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
„Ég get eiginlega ekki beðið eftir því að stíga á svið,“ segir tónlistarmaðurinn Máni Orrason en hann fagnar útgáfu sinnar fyrstu plötu annað kvöld með útgáfutónleikum í Austurbæ. Máni, sem er einungis sautján ára gamall, hefur samið tónlist frá því hann var tólf gamall og á nú þegar efni sem gæti fyllt nokkrar plötur í viðbót. „Ég var í hljómsveit þegar ég var yngri en þegar ég var tólf ára gamall flutti ég aftur til Spánar, þá byrjaði ég að semja meira og þróa mína tónlist af alvöru. Ég sem rosalega mikið af tónlist og eiginlega bara allt of mikið. Ég verð bara að skapa til að létta á mér,“ segir Máni léttur í lundu. Hann flutti til Íslands níu ára gamall en svo aftur til Spánar. Máni er fæddur í Reykjavík og ólst upp á heimili þar sem mikið var um tónlist. „Þegar ég var tveggja ára gamall flutti ég með fjölskyldunni minni til Spánar og hef búið þar mestan hluta ævi minnar,“ segir Máni spurður út í æskuna. Á uppvaxtarárum sínum var Máni fljótur að grípa hvert hljóðfæri sem hann komst yfir, og fljótlega var það ljóst að hann bjó yfir einstakri næmni og tónlistarhæfileikum. Á fyrstu plötunni hans, Repeating Patterns, endurspeglast fjölbreytileiki Mána sem lagahöfundar og hljómlistarmanns. Máni skaust fram á sjónarsviðið síðasta haust þegar hann gaf út lagið Fed All My Days, sem fór í fyrsta sæti á vinsældarlista Rásar 2 og naut gríðarlegra vinsælda í útvarpi.Máni OrrasonHann var tilnefndur til Íslensku hlustendaverðlaunanna 2015 í flokkunum nýliði ársins 2014 og tónlistarmyndband ársins. Máni var einnig tilnefndur til Íslensku tónlistarverðlaunanna 2015 í flokknum bjartasta vonin. „Ég er bara rosa heppinn því ég vissi snemma hvað ég vildi gera og síðan þá hefur þetta verið mikil ástríða hjá mér,“ segir Máni um sköpunarkraftinn. Máni er komin með hljómsveit á bak við sig sem mun koma fram með honum á tónleikunum á morgun en sveitin hefur æft af kappi fyrir tónleikana. „Æfingarnar hafa gengið mjög vel. Platan var bara sköpuð áður en hún var spiluð live, þannig að lögin hafa þróast eftir að við byrjuðum að æfa. Það er komið nýtt sound á þetta og það hefur gengið vel að skapa nýtt efni,“ útskýrir Máni. Mikið er fram undan hjá Mána en hann kemur fram ásamt hljómsveitinni sinni á Secret Solstice-hátíðinni í júní og í haust verður haldið af stað í tónleikaferð um Evrópu. Máni mun meðal annars koma fram á fjórum stórum tónlistarhátíðum í Þýskalandi á þessu ári. „Ég er bara rosa spenntur og get ekki beðið eftir því að fara spila meira í sumar.“ Það er tónlistarmaðurinn Axel Flóvent sem hitar upp á tónleikunum en húsið opnar kl. 20.00.
Tónlist Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið Ganga 111 kílómetra til styrktar börnum í Gasa Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira