Eins og sjá má á myndinni hér að ofan er nú gríðarlegur fjöldi flugvéla á ferð í grennd við Ísland til fylgjast með sólmyrkvanum.
Vísir sagði frá því í gær að mikill viðbúnaður væri hjá flugstjórnarmiðstöðinni í Reykjavík vegna sólmyrkvans.
Sjá einnig: Sólmyrkvinn í beinni á Vísi
Átta flugumferðarstjórar sinna þessum flugvélum í stað tveggja eins og vaninn er á þessum hluta svæðisins á þessum tíma dags. Fjölmörg flugfélög óskuðu eftir því að fá að fljúga ákveðinn feril fyrir austan land til að ná almyrkvanum.
Fimmtán til tuttugu flugvélar lögðu inn flugplan sérstaklega vegna sólmyrkvaflugs og þá nýta flugvélar í áætlunarflugi líka tækifærið og fljúga innan þess svæðis sem algjör almyrkvi sést.
Mikill fjöldi flugvéla á ferð til að fylgjast með sólmyrkvanum
Tengdar fréttir
Allt sem þú þarft að vita um sólmyrkvann: Nær hámarki klukkan 9:37
Fylgjast má með sólmyrkvanum í beinni á Vísi.
Bjuggu til sín eigin sólmyrkvagleraugu
Nemendur í Menntaskólanum í Reykjavík dóu ekki ráðalausir þegar sólmyrkvagleraugu reyndust uppseld í landinu og bjuggu til sín eigin. Fjöldi Íslendinga hefur tekið frá morguninn til að fylgjast með þessu einstaka náttúrufyrirbæri.
