Allt frá barnahjali yfir í náttúruupptökur Gunnar Leó Pálsson skrifar 5. ágúst 2015 08:00 Kammerhópurinn Nordic Affect sendi frá sér plötu sem hefur strax vakið mikla athygli í Bandaríkjunum. Platan fer í dreifingu hér á landi í dag. mynd/David Oldfield Bandarískir miðlar hafa lofsamað nýjustu plötu íslenska kammerhópsins Nordic Affect en hún ber nafnið Clockworking. Hún var til að mynda plata vikunnar á Q2 Music útvarpsstöðinni í Bandaríkjunum fyrir skömmu. Platan kom út á heimsvísu fyrir helgi en fer í dreifingu hér á landi í dag. „Við erum ótrúlega ánægðar með þessi ofur jákvæðu viðbrögð. Það er greinilega mikill áhugi fyrir Clockworking og í raun bárust ótrúlega sterk viðbrögð úr hinum ýmsu áttum löngu áður en hún fór í almenna dreifingu,“ segir Halla Steinunn Stefánsdóttir, listrænn stjórnandi kammerhópsins Nordic Affect.Frábær gagnrýni „Þetta er þriðja platan okkar þó að við höfum í raun spilað inn á sex plötur alls. Síðasta var gefin út í Hollandi og um var að ræða plötu með barokktónlist sem heyrist sjaldan eða nánast aldrei í heiminum. Clockworking er hins vegar stútfull af magnaðri tónlist eftir kventónskáld sem samin hefur verið sérstaklega fyrir okkur og því í okkar huga afurð frjós samstarfs. Öll verkin má segja að eigi það sameiginlegt að vera skrifuð á ótrúlega næmum skala og í nokkrum verkum fléttast inn í hana rafhljóð á borð við náttúruupptökur og eitt fallegasta hljóð í heimi; barnahjal.“ Bandaríska tónlistarsíðan NPR Music valdi titillag plötunnar inn í seríuna „Songs We Love“. Önnur bandarísk tónlistarvefsíða, Second Inversion, gagnrýndi plötuna á dögunum og endaði gagnrýnin á því að segja að hver einasta mínúta af þessari 45 mínútna löngu plötu ætti skilið óskipta athygli hlustandans. „Það er auðvitað mikill heiður að komast á þennan spilalista hjá NPR, við vitum að það er ekkert grín að komast þangað inn og í raun magnað að sjá tónlist, sem er samkvæmt einhverjum mælistikum merkt sem nútímatónlist, vera stefnt á lista með indie og poppi. Í raun undirstrikar þetta að tónlist er að breytast og landamæri að færast til og jafnvel mást út; á endanum verður þetta bara kannski þannig að við hlustum hreinlega á lög sem við elskum svona til að vísa í NPR-hugmyndina. Þar fyrir utan er auðvitað ólýsanleg tilfinning að sjá að tónlist sem maður ann og hefur þróast með allt frá frumflutningi til upptöku er að hreyfa við fólki og virðist um leið vera innlegg sem þeir ,sem hafa spáð í íslenska tónlist, eru mjög spenntir fyrir.“Halla Steinunn Stefánsdóttir.mynd/David OldfieldBjörk og Sigur Rós mikil hjálp Halla Steinunn segir að velgengni annarra íslenskra tónlistarmanna erlendis hafi auðvitað haft sitt að segja hvað varðar hin jákvæðu viðbrögð sem nýja platan fær. „Auðvitað er maður þakklátur aðilum á borð við Björk og Sigur Rós sem hafa stimplað íslenska tónlist heldur betur inn á alheimskortið. Um leið held ég að ekki margir viti hér heima hvað tónskáld á borð við Önnu Þorvaldsdóttur og Daníel Bjarnason eru að gera frábæra hluti fyrir íslenska tónlist utan landsteinanna og opna þar með ýmsar dyr og kveikja í áhuga fólks.“ Meðlimir hópsins eru, auk Höllu Steinunnar, Georgia Browne, Guðrún Hrund Harðardóttir, Hanna Loftsdóttir og Guðrún Óskarsdóttir og einkennist starf hópsins af nýstárlegri nálgun og frumleika í verkefnavali. Hann var valinn flytjandi ársins á Íslensku tónlistarverðlaununum í fyrra og tilnefndur til Tónlistarverðlauna Norðurlandaráðs 2013. Bandaríska fyrirtækið Sono Luminus gefur plötuna út en á henni er að finna verk eftir fimm íslensk tónskáld, þær Önnu Þorvaldsdóttur, Hildi Guðnadóttur, Maríu Huld Markan Sigfúsdóttur, Hafdísi Bjarnadóttur og Þuríði Jónsdóttur. Platan var tekin upp af Georg Magnússyni og um hljóðblöndun og eftirvinnslu sá Valgeir Sigurðsson í Gróðurhúsinu. Halla segir hópinn þegar vera í samningaviðræðum við Bandaríkin um upptökur á næstu plötu haustið 2016. Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta lag minnir mig alltaf á að hafa tapað Idolinu“ Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp „Gaman hvað verið er að tala fallega um samstarfsfólkið mitt“ Bíó og sjónvarp Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira
Bandarískir miðlar hafa lofsamað nýjustu plötu íslenska kammerhópsins Nordic Affect en hún ber nafnið Clockworking. Hún var til að mynda plata vikunnar á Q2 Music útvarpsstöðinni í Bandaríkjunum fyrir skömmu. Platan kom út á heimsvísu fyrir helgi en fer í dreifingu hér á landi í dag. „Við erum ótrúlega ánægðar með þessi ofur jákvæðu viðbrögð. Það er greinilega mikill áhugi fyrir Clockworking og í raun bárust ótrúlega sterk viðbrögð úr hinum ýmsu áttum löngu áður en hún fór í almenna dreifingu,“ segir Halla Steinunn Stefánsdóttir, listrænn stjórnandi kammerhópsins Nordic Affect.Frábær gagnrýni „Þetta er þriðja platan okkar þó að við höfum í raun spilað inn á sex plötur alls. Síðasta var gefin út í Hollandi og um var að ræða plötu með barokktónlist sem heyrist sjaldan eða nánast aldrei í heiminum. Clockworking er hins vegar stútfull af magnaðri tónlist eftir kventónskáld sem samin hefur verið sérstaklega fyrir okkur og því í okkar huga afurð frjós samstarfs. Öll verkin má segja að eigi það sameiginlegt að vera skrifuð á ótrúlega næmum skala og í nokkrum verkum fléttast inn í hana rafhljóð á borð við náttúruupptökur og eitt fallegasta hljóð í heimi; barnahjal.“ Bandaríska tónlistarsíðan NPR Music valdi titillag plötunnar inn í seríuna „Songs We Love“. Önnur bandarísk tónlistarvefsíða, Second Inversion, gagnrýndi plötuna á dögunum og endaði gagnrýnin á því að segja að hver einasta mínúta af þessari 45 mínútna löngu plötu ætti skilið óskipta athygli hlustandans. „Það er auðvitað mikill heiður að komast á þennan spilalista hjá NPR, við vitum að það er ekkert grín að komast þangað inn og í raun magnað að sjá tónlist, sem er samkvæmt einhverjum mælistikum merkt sem nútímatónlist, vera stefnt á lista með indie og poppi. Í raun undirstrikar þetta að tónlist er að breytast og landamæri að færast til og jafnvel mást út; á endanum verður þetta bara kannski þannig að við hlustum hreinlega á lög sem við elskum svona til að vísa í NPR-hugmyndina. Þar fyrir utan er auðvitað ólýsanleg tilfinning að sjá að tónlist sem maður ann og hefur þróast með allt frá frumflutningi til upptöku er að hreyfa við fólki og virðist um leið vera innlegg sem þeir ,sem hafa spáð í íslenska tónlist, eru mjög spenntir fyrir.“Halla Steinunn Stefánsdóttir.mynd/David OldfieldBjörk og Sigur Rós mikil hjálp Halla Steinunn segir að velgengni annarra íslenskra tónlistarmanna erlendis hafi auðvitað haft sitt að segja hvað varðar hin jákvæðu viðbrögð sem nýja platan fær. „Auðvitað er maður þakklátur aðilum á borð við Björk og Sigur Rós sem hafa stimplað íslenska tónlist heldur betur inn á alheimskortið. Um leið held ég að ekki margir viti hér heima hvað tónskáld á borð við Önnu Þorvaldsdóttur og Daníel Bjarnason eru að gera frábæra hluti fyrir íslenska tónlist utan landsteinanna og opna þar með ýmsar dyr og kveikja í áhuga fólks.“ Meðlimir hópsins eru, auk Höllu Steinunnar, Georgia Browne, Guðrún Hrund Harðardóttir, Hanna Loftsdóttir og Guðrún Óskarsdóttir og einkennist starf hópsins af nýstárlegri nálgun og frumleika í verkefnavali. Hann var valinn flytjandi ársins á Íslensku tónlistarverðlaununum í fyrra og tilnefndur til Tónlistarverðlauna Norðurlandaráðs 2013. Bandaríska fyrirtækið Sono Luminus gefur plötuna út en á henni er að finna verk eftir fimm íslensk tónskáld, þær Önnu Þorvaldsdóttur, Hildi Guðnadóttur, Maríu Huld Markan Sigfúsdóttur, Hafdísi Bjarnadóttur og Þuríði Jónsdóttur. Platan var tekin upp af Georg Magnússyni og um hljóðblöndun og eftirvinnslu sá Valgeir Sigurðsson í Gróðurhúsinu. Halla segir hópinn þegar vera í samningaviðræðum við Bandaríkin um upptökur á næstu plötu haustið 2016.
Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta lag minnir mig alltaf á að hafa tapað Idolinu“ Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp „Gaman hvað verið er að tala fallega um samstarfsfólkið mitt“ Bíó og sjónvarp Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira