Hasar á heimili Vigdísar um hátíðarnar Gunnar Leó Pálsson skrifar 29. desember 2015 09:15 Vigdís Hauksdóttir sést hér ásamt kettinum Taco en ferfætlingurinn virðist vera að búa sig undir að stökkva á jólaskrautið sem Vigdís heldur á. vísir/ernir Mikill hasar hefur verið á heimili framsóknarkonunnar Vigdísar Hauksdóttur yfir hátíðarnar, þar sem að nýjasti fjölskyldumeðlimurinn þar á bæ hefur hlaupið upp og niður jólatréð með tilheyrandi jólakúlubrauki og -bramli. „Hann er búinn að vera mjög aktívur vægast sagt og lítur á jólatréð sem leikfang. Það ríkir stríðsástand á heimilinu, kötturinn hleypur upp og niður jólatréð og er gjörsamlega trítilóður,“ segir Vigdís um nýjasta fjölskyldumeðliminn, köttinn Taco. Umræddur köttur kom inn á heimili Vigdísar fyrir skömmu, eftir að börn Vigdísar höfðu mælt með ættleiðingu kattar um nokkurt skeið. „Krakkarnir hafa nöldrað um að fá kött mjög lengi. Ég fæddist og ólst upp í sveit og hefur mér því alltaf fundist eins og kettir og önnur húsdýr eigi heima í útihúsum. Það var svo þegar dóttir mín sýndi mér mynd af þessum ketti, sem var munaðarlaus, en hann fannst í yfirgefnu húsi og var þá bara pínulítill kettlingur, að ég lét undan,“ segir Vigdís. Taco er þó ekki köttur í bóli bjarnar eins og segir í orðatiltækinu, því Vigdís hefur gaman af kettinum þó svo að hann hafi valdið talsverðu fjaðrafoki og brotið nokkrar jólakúlur. „Ég hef lúmskt gaman af þessu, ég er auðvitað prakkari sjálf og skil hann svo sem nokkuð vel. Þetta er fyrsta gæludýrið okkar, fyrir utan páfagaukatilraunirnar. Þessi köttur er svo mikil týpa að það er ekki annað hægt en að kunna vel við hann. Það fóru samt aldrei fleiri en fimm jólakúlur upp í einu því hann trylltist alveg þegar hann sá kúlurnar fara upp,“ segir Vigdís og hlær. Hún passaði þó upp á að setja ekki mikilvægustu jólakúlurnar á tréð í ár til að forða þeim frá tortímingu. Taco er læða, sem er nú að verða fjögurra mánaða gömul en hún var einungis tæplega mánaðar gömul þegar hún kom inn á heimili Vigdísar. „Litla greyið var pínulítil þegar hún kom til okkar og rúmaðist í lófanum. Þessi kisa er greinilega á unglingastiginu núna og það er ótrúlega mikill leikur í henni.“ Jólatréð sem er normannsþinur hefur hentað kettinum vel til athafna sinna. „Normannsþinurinn hefur veitt honum einstaklega góða viðspyrnu, því greinarnar eru „á hæðum“ öfugt við furu sem við erum vön að hafa, en furan var uppseld þegar átti að kaupa hana. Ekki hefði hún heldur getað verið svona mikið í trénu ef það væri rauðgreni, sem stingur svakalega.“ Taco hefur þó ekki enn náð að velta trénu, þó hún hafi eytt megninu af jóladeginum ein á heimilinu. „Jólatrésfóturinn er þungur, þannig að hún hefur ekki náð að henda því niður. Við höfum samt þurft að herða upp á trénu þrisvar sinnu,“ bætir Vigdís við létt í lundu. Nú þegar gamlárskvöld er á næsta leiti er ekki úr vegi að spyrja Vigdísi hvernig hún ætli að vernda Taco fyrir sprengingunum utan dyra og öllum þeim látum sem fylgja gamlárskvöldinu. „Ég er eiginlega ekki búin að pæla neitt í því. Ég vona að hún drepist ekki úr hræðslu greyið. Við látum fara vel um hana,“ segir Vigdís, sem fór greinilega ekki í jólaköttinn í ár, heldur fékk sér jólakött. Mest lesið Litríkur karakter sem var engum líkur Lífið Hulk Hogan er látinn Lífið Fyrsta stiklan úr miðaldaþáttum Balta Lífið Beittu listamönnum sem leynivopni í kalda stríðinu Lífið Pamela smellti kossi á Neeson Lífið Ein heitasta söngkona landsins á lausu Lífið „Grunar að hann hafi bara vitað upp á hár hvað væri að fara að gerast“ Lífið Rene Kirby er látinn Lífið Galdrakarlinn í Oz aftur á fjalirnar Menning Svona verða stórtónleikar Kaleo í Vaglaskógi Lífið Fleiri fréttir Litríkur karakter sem var engum líkur Hulk Hogan er látinn Fyrsta stiklan úr miðaldaþáttum Balta Rene Kirby er látinn Pamela smellti kossi á Neeson Beittu listamönnum sem leynivopni í kalda stríðinu Hlutabréfin rjúka upp eftir að Sweeney fór í gallabuxurnar „Grunar að hann hafi bara vitað upp á hár hvað væri að fara að gerast“ Stjörnubarnið komið í heiminn Telja Ozzy endurfæddan sem Aquaman Skotheld og skemmtileg hlauparáð Devin Booker á Íslandi Hiti þjóðarsálarinnar mældur: „Allt frá hatrinu á Þjóðhátíðarlögum til vinstriumferðar og píkulistar“ Samfélagsmiðlar sýna ekki einmanaleikann Tuttugu ára aldursmunur og ástin blómstrar Robbie verður fimmtíu feta tröllkonan Ein heitasta söngkona landsins á lausu Svona verða stórtónleikar Kaleo í Vaglaskógi Gaf eistum kærastans gælunafn „Þetta hefur öfug áhrif og fólki líður bara verr“ Vera Illuga leiðir áhorfendur gegnum skilnað Ástin sveif yfir ítölskum vötnum Cosby Show-stjarna látin Pöntuðu „perrapizzu“ með flugi frá Ísafirði Heimsfræg lesbía á leið til landsins Stökk fjörutíu sinnum úr flugvél í Dubai Stjörnulífið: „Hann er pabbi minn“ „Ég vakna á hverjum degi og þrái ekkert meira en að fá hann aftur“ Ákváðu að vera um kyrrt á Englandi þegar Trump náði kjöri Millie Bobby Brown í hóp Íslandsvina Sjá meira
Mikill hasar hefur verið á heimili framsóknarkonunnar Vigdísar Hauksdóttur yfir hátíðarnar, þar sem að nýjasti fjölskyldumeðlimurinn þar á bæ hefur hlaupið upp og niður jólatréð með tilheyrandi jólakúlubrauki og -bramli. „Hann er búinn að vera mjög aktívur vægast sagt og lítur á jólatréð sem leikfang. Það ríkir stríðsástand á heimilinu, kötturinn hleypur upp og niður jólatréð og er gjörsamlega trítilóður,“ segir Vigdís um nýjasta fjölskyldumeðliminn, köttinn Taco. Umræddur köttur kom inn á heimili Vigdísar fyrir skömmu, eftir að börn Vigdísar höfðu mælt með ættleiðingu kattar um nokkurt skeið. „Krakkarnir hafa nöldrað um að fá kött mjög lengi. Ég fæddist og ólst upp í sveit og hefur mér því alltaf fundist eins og kettir og önnur húsdýr eigi heima í útihúsum. Það var svo þegar dóttir mín sýndi mér mynd af þessum ketti, sem var munaðarlaus, en hann fannst í yfirgefnu húsi og var þá bara pínulítill kettlingur, að ég lét undan,“ segir Vigdís. Taco er þó ekki köttur í bóli bjarnar eins og segir í orðatiltækinu, því Vigdís hefur gaman af kettinum þó svo að hann hafi valdið talsverðu fjaðrafoki og brotið nokkrar jólakúlur. „Ég hef lúmskt gaman af þessu, ég er auðvitað prakkari sjálf og skil hann svo sem nokkuð vel. Þetta er fyrsta gæludýrið okkar, fyrir utan páfagaukatilraunirnar. Þessi köttur er svo mikil týpa að það er ekki annað hægt en að kunna vel við hann. Það fóru samt aldrei fleiri en fimm jólakúlur upp í einu því hann trylltist alveg þegar hann sá kúlurnar fara upp,“ segir Vigdís og hlær. Hún passaði þó upp á að setja ekki mikilvægustu jólakúlurnar á tréð í ár til að forða þeim frá tortímingu. Taco er læða, sem er nú að verða fjögurra mánaða gömul en hún var einungis tæplega mánaðar gömul þegar hún kom inn á heimili Vigdísar. „Litla greyið var pínulítil þegar hún kom til okkar og rúmaðist í lófanum. Þessi kisa er greinilega á unglingastiginu núna og það er ótrúlega mikill leikur í henni.“ Jólatréð sem er normannsþinur hefur hentað kettinum vel til athafna sinna. „Normannsþinurinn hefur veitt honum einstaklega góða viðspyrnu, því greinarnar eru „á hæðum“ öfugt við furu sem við erum vön að hafa, en furan var uppseld þegar átti að kaupa hana. Ekki hefði hún heldur getað verið svona mikið í trénu ef það væri rauðgreni, sem stingur svakalega.“ Taco hefur þó ekki enn náð að velta trénu, þó hún hafi eytt megninu af jóladeginum ein á heimilinu. „Jólatrésfóturinn er þungur, þannig að hún hefur ekki náð að henda því niður. Við höfum samt þurft að herða upp á trénu þrisvar sinnu,“ bætir Vigdís við létt í lundu. Nú þegar gamlárskvöld er á næsta leiti er ekki úr vegi að spyrja Vigdísi hvernig hún ætli að vernda Taco fyrir sprengingunum utan dyra og öllum þeim látum sem fylgja gamlárskvöldinu. „Ég er eiginlega ekki búin að pæla neitt í því. Ég vona að hún drepist ekki úr hræðslu greyið. Við látum fara vel um hana,“ segir Vigdís, sem fór greinilega ekki í jólaköttinn í ár, heldur fékk sér jólakött.
Mest lesið Litríkur karakter sem var engum líkur Lífið Hulk Hogan er látinn Lífið Fyrsta stiklan úr miðaldaþáttum Balta Lífið Beittu listamönnum sem leynivopni í kalda stríðinu Lífið Pamela smellti kossi á Neeson Lífið Ein heitasta söngkona landsins á lausu Lífið „Grunar að hann hafi bara vitað upp á hár hvað væri að fara að gerast“ Lífið Rene Kirby er látinn Lífið Galdrakarlinn í Oz aftur á fjalirnar Menning Svona verða stórtónleikar Kaleo í Vaglaskógi Lífið Fleiri fréttir Litríkur karakter sem var engum líkur Hulk Hogan er látinn Fyrsta stiklan úr miðaldaþáttum Balta Rene Kirby er látinn Pamela smellti kossi á Neeson Beittu listamönnum sem leynivopni í kalda stríðinu Hlutabréfin rjúka upp eftir að Sweeney fór í gallabuxurnar „Grunar að hann hafi bara vitað upp á hár hvað væri að fara að gerast“ Stjörnubarnið komið í heiminn Telja Ozzy endurfæddan sem Aquaman Skotheld og skemmtileg hlauparáð Devin Booker á Íslandi Hiti þjóðarsálarinnar mældur: „Allt frá hatrinu á Þjóðhátíðarlögum til vinstriumferðar og píkulistar“ Samfélagsmiðlar sýna ekki einmanaleikann Tuttugu ára aldursmunur og ástin blómstrar Robbie verður fimmtíu feta tröllkonan Ein heitasta söngkona landsins á lausu Svona verða stórtónleikar Kaleo í Vaglaskógi Gaf eistum kærastans gælunafn „Þetta hefur öfug áhrif og fólki líður bara verr“ Vera Illuga leiðir áhorfendur gegnum skilnað Ástin sveif yfir ítölskum vötnum Cosby Show-stjarna látin Pöntuðu „perrapizzu“ með flugi frá Ísafirði Heimsfræg lesbía á leið til landsins Stökk fjörutíu sinnum úr flugvél í Dubai Stjörnulífið: „Hann er pabbi minn“ „Ég vakna á hverjum degi og þrái ekkert meira en að fá hann aftur“ Ákváðu að vera um kyrrt á Englandi þegar Trump náði kjöri Millie Bobby Brown í hóp Íslandsvina Sjá meira
Hiti þjóðarsálarinnar mældur: „Allt frá hatrinu á Þjóðhátíðarlögum til vinstriumferðar og píkulistar“