Enski boltinn

Verður keppt í fótbolta eða sundi á næsta heimaleik Carlisle?

Óskar Ófeigur Jónsson skrifar
Brunton Park.
Brunton Park. Mynd/Twitter-síða Carlisle United
Carlisle United spilar í ensku D-deildinni en ástandið á heimavelli félagsins Brunton Park var skelfilegt eftir rigningu helgarinnar.

Carlisle er í norðvestur hluta Englands upp við landamærin við Skotland og þar hefur rignt mikið síðustu daga.

Brunton Park er 18 þúsund manna völlur sem var tekinn í notkun árið 1909 og er því fyrir nokkru orðinn hundrað ára gamall.

Menn eru nú á fullu að drena völlinn fyrir næsta heimaleik sem er á móti Portsmouth á laugardaginn kemur.

Portsmouth er í 4. sæti deildarinnar og þremur stigum og sex sætum ofar en Carlisle United. Það getur því margt breyst hjá Carlisle United með sigri.

Starfsmenn félagsins eru bjartsýnir að geta hreinsað völlinn fyrir leikinn en hann þarf örugglega nokkra daga til að jafna sig eftir að þeir ná vatninu í burtu.

Þetta er ekki í fyrsta skipti sem forráðamenn Carlisle United lenda í vandræðum með Brunton Park vegna rigninga. Félagið gat sem dæmi ekki spilað heimaleiki sína í sex vikur í árabyrjun 2005 vegna flóða.

Það er hægt að sjá völlinn og fylgjast með gangi mála á twitter-síðu Carlisle United en hér fyrir neðan eru líka nokkur tíst.

Enski boltinn

Mest lesið


Fleiri fréttir

Sjá meira


×

Mest lesið