Gíbraltar-menn gera stólpagrín að ræðu Wayne Rooney | Myndband

Wayne Rooney, framherji Manchester United, fagnaði stórum áfanga í síðustu landsleikja viku. Hann skoraði seinna mark Englands í 2-0 sigri á Sviss og varð með því markahæsti leikmaðurinn í sögu enska landsliðsins.

Vítaspyrnan sem Rooney þrumaði í netið, framhjá Yann Sommer, var 50. landsliðsmark framherjans sem hefur spilað 107 leiki með enska landsliðinu síðan hann sló fyrst í gegn árið 2003.

Rooney fékk góðar viðtökur inn í klefa þar sem liðsfélagar hans klöppuðu fyrir fyrirliðanum og hélt hann tilfinningaþrungna ræðu þar sem hann þakkaði öllum fyrir.

Ræða Wayne Rooney:

Leikmenn landsliðs Gíbraltar, sem tekur nú í fyrsta sinn þátt í undankeppni EM, gerðu stólpagrín að þessum viðtökum ensku landsliðsmannanna og ræðu Wayne Rooney eftir tap sitt gegn Póllandi í byrjun vikunnar.

Gíbraltar tapaði leiknum, 8-1, en Jake Gosling, leikmaður Bristol Rovers, skoraði eina mark Gíbraltar-liðsins. Þar með var hann búinn að skora tvö mörk fyrir Gíbraltar og er því markahæstur í stuttri sögu liðsins.

Gosling fékk kaldhæðnislegar móttökur inn í klefa og bol sem búið var að krota tölustafinn tvo á. Rooney fékk landsliðstreyju með 50 á bakinu og nafni sínu.

Þetta skondna atvik má sjá hér að neðan.