Myndaveisla: Fjöldi mætti á skólasetningu Verzlunarskólans

Menntaskólar landsins hefjast margir á næstu dögum en bæði Verzlunarskóli Íslands og Menntaskólinn í Reykjavík voru settir í dag. Nemendur sem hefja nú nám við Verzló verða þeir fyrstu í sögu skólans sem ljúka námi á þremur árum.

„Við leggjum af stað í þessa vegferð með jákvæðum huga,“ sagði Ingi Ólafsson skólasmeistari Verzlunarskólans í kvöldfréttum Stöðvar 2. „Það hefur verið lögð mikil vinna í þessar breytingar og við erum mjög spennt.

Að sögn Inga verður forvitnilegt að sjá hvernig þetta gengur en eldri nemendur verða áfram í gamla fjögurra ára kerfinu. Í nýja fyrirkomulaginu er mikil áhersla lögð á að vægi lokaprófa verði minna og námsmat breytist töluvert.

„Sú staða kemur sennilega upp að á sama tíma og hluti skólans spreytir sig á lokaprófum verður kennsla enn í gangi hjá öðrum,“ segir Ingi.

Manntal var tekið strax við skólasetningu en nýnemar sem ekki mæta á hana eiga á hættu á að missa af skólavist við skólann. Ernir Eyjólfsson, ljósmyndari Vísis, var á staðnum og tók myndir af nýjum nemendum og eldri.