Nýtt myndband frá hljómsveitinni Vök

Hljómsveitin Vök sendi frá sér nýtt myndband við lagið Waterfall í dag en myndbandið var frumsýnt á alþjóðlega tónlistarvefnum Noisey.

Lagið kom út á EP plötu sem að sveitin sendi frá sér í maí og hefur verið vel tekið. Waterfall er meðal annars á spilunarlist breska tímaritsins Music Week og fór inn á topp 10 lista hjá Hype Machine þegar það kom út.

Vök spilar á hátíðum víða í Evrópu í sumar og eru til að mynda nýkomin heim af Hróarskeldu.

Myndbandið við Waterfall má sjá hér að neðan en Skapti Magnús og Baldvin Albertsson leikstýrðu því. Dansarinn er Þórey Birgisdóttir.