Aron: Spurt af hverju sé verið að tala um þennan helvítis Kana Tómas Þór Þórðarson skrifar 22. maí 2015 17:45 Íslendingurinn Aron Jóhannsson, landsliðsmaður Bandaríkjanna í fótbolta og leikmaður AZ Alkmaar í Hollandi, var í viðtali í Akraborginni á X977 í dag. Aron er í stuttu fríi á Íslandi áður en hann heldur til Bandaríkjanna í æfingabúðir landsliðsins fyrir tvo vináttuleiki gegn Hollandi og Þýskalandi. Aron byrjaði tímabilið með AZ meiddur en var frábær á lokasprettinum þar sem mörk hans tryggðu liðinu þriðja sætið í deildinni og farseðil í Evrópudeildina næsta vetur. „Ég áttaði mig á því hversu ótrúlega mikilvægt það er að taka undirbúningstímabil með liðinu. Þegar ég kem til baka eru allir í 100 prósent formi og því var mjög erfitt að koma inn í þetta,“ segir Aron. Hann var meiddur á HM í fyrra og upplifði erfiða tíma eftir heimsmeistaramótið þar sem hann var fyrsti Íslendingurinn til að spila. „Ég var meiddur í náranum og ökklanum og með hverjum deginum í Brasilíu bara versnaði þetta og versnaði. Maður gafst ekkert upp þar, það var enginn tími til þess. Maður hélt bara áfram og kannski of mikið.“vísir/gettyRifrildi við þjálfarann Þó hann væri orðinn heill var Aron samt á bekknum hjá AZ í byrjun nýs árs, en framherjinn var ekki sáttur við það. „Eftir jól lendi ég í smá rifrildi við þjálfarann. Mér fannst að ég ætti að vera að spila og hann var greinilega ekki sammála og tók mig úr liðinu,“ segir Aron. „Síðan kemur að því að maður þarf að leggja sig fram. Það þýðir ekkert að vera að væla þannig ég lagði meira á mig en allir aðrir og þegar ég loks fékk að spila nokkra leiki í byrjunarliðinu í röð fór þetta að detta inn. Það var ekki verra að skora 1-2 mörk.“ Aron á þrjú ár eftir af samningi sínum við AZ Alkmaar, en frammistaða hans undanfarin misseri hefur vakið athygli og er ekki útilokað að hann færi sig um set. „Nú taka við tveir rosalega flottir landsleikir á móti Hollandi og Þýskalandi og síðan getur allt gerst. Ég sætti mig alveg við að taka annað tímabil í Alkmaar en ef að eitthvað kemur upp sem er skemmtilegt og félagið er sátt og ég sáttur þá má skoða það,“ segir Aron. „AZ er í góðri stöðu því það þarf ekki að selja mig. Ef það kemur tilboð sem það er ekki sátt við þarf félagið ekki að taka því,“ bætir hann við, en er eitthvað að gerast í hans málum? „Það eru alltaf smá þreyfingar hér og þar og sérstaklega þegar maður endar tímabilið svona vel. Ég klaraði tímabilið mjög vel og þá dettur alltaf eitthvað inn. Þegar svona lítið er í gangi þá er óþarfi að vera tala um það. Þegar ekkert gerist svo lítur maður kjánalega úr,“ segir Aron.Aron Jóhannsson gæti verið í byrjunarliðinu í næstu leikjum bandaríska landsliðsins.vísir/gettySumir taka þessu verr en aðrir Ákvörðun Arons um að gerast bandarískur landsliðsmaður og spila ekki fyrir íslenska landsliðið vakti mikla athygli og nokkra reiði á sínum tíma. Honum hefur ekki enn verið fyrirgefið af öllum. „Það er ekkert sem ég tek persónulega. Stundum eru einhverjar fréttir á fótbolti.net eða 433 um mig og þá er fólk duglegt að skrifa athugasemdir og spyrja af hverju sé verið að tala um þennan helvítis Kana. Það er bara eins og gengur og gerist. Sumir taka þessu svoleiðis og aðrir ekki,“ segir Aron. „Ég er ekkert viðkvæmur fyrir þessu og kippi mér ekkert upp við þetta þegar ég sé svona. Í kringum HM og fyrir HM voru sumir fjölskyldumeðlimir sem tóku þetta meira inn á sig heldur en ég.“vísir/gettyÍsland fer á EM MLS-deildin í Bandaríkjunum hefur vaxið og dafnað mikið undanfarin ár. Ein ástæða þess er vilji deildarinnar til að lokka bandaríska landsliðsmenn heim frá Evrópu, en margir hafa snúið aftur á síðustu tveimur árum. „Ég vona að í framtíðinni fái ég að spila þar. Ég vona það innilega. Sólarliðin eins og í LA og Flórída eru virkilega spennandi en maður kíkir bara á það sem býðst,“ segir Aron, en gæti það gerst í sumar? „Nei, ekki sem ég veit af allavega. Tímabilið er bara nýbúið hjá mér, en þegar það er í gangi er maður bara að hugsa um AZ. Maður kíkir kannski eitthvað á þetta í sumar.“ Aron er búinn að fara á eitt stórmót með Bandaríkjunum og vonast vitaskuld til að vera í hópnum á næstu mótum; Gullbikarnum og Suður-Ameríkukeppninni á næsta ári. Hann er bjartsýnn á að Íslendingar komist á stórmót í fyrsta sinn og segist ætla að mæta á leikinn í Hollandi í ágúst verði hann ekki sjálfur upptekinn. „Ef strákarnir klára þetta tólfta júní [gegn Tékklandi] þá er þetta komið held ég. Það væri alveg frábært fyrir alla íslensku leikmennina og íslensku þjóðina að komast á stórmót. Ég vona svo innilega að það gerist. Ég mæti á leikinn gegn Hollandi ef ég verð ekki sjálfur í bandaríska landsliðinu. En vonandi verð ég áfram í því,“ segir Aron Jóhannsson. Hlusta má á viðtalið í spilaranum hér að ofan. Fótbolti Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Ákærður fyrir að slá barn sitt með blautu handklæði Sport Landsliðsmaður blandar sér í umræðuna um umdeilda sigurkörfu Njarðvíkinga Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn „Röng ákvörðun af minni hálfu og ég tek fulla ábyrgð“ Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn Sjá meira
Íslendingurinn Aron Jóhannsson, landsliðsmaður Bandaríkjanna í fótbolta og leikmaður AZ Alkmaar í Hollandi, var í viðtali í Akraborginni á X977 í dag. Aron er í stuttu fríi á Íslandi áður en hann heldur til Bandaríkjanna í æfingabúðir landsliðsins fyrir tvo vináttuleiki gegn Hollandi og Þýskalandi. Aron byrjaði tímabilið með AZ meiddur en var frábær á lokasprettinum þar sem mörk hans tryggðu liðinu þriðja sætið í deildinni og farseðil í Evrópudeildina næsta vetur. „Ég áttaði mig á því hversu ótrúlega mikilvægt það er að taka undirbúningstímabil með liðinu. Þegar ég kem til baka eru allir í 100 prósent formi og því var mjög erfitt að koma inn í þetta,“ segir Aron. Hann var meiddur á HM í fyrra og upplifði erfiða tíma eftir heimsmeistaramótið þar sem hann var fyrsti Íslendingurinn til að spila. „Ég var meiddur í náranum og ökklanum og með hverjum deginum í Brasilíu bara versnaði þetta og versnaði. Maður gafst ekkert upp þar, það var enginn tími til þess. Maður hélt bara áfram og kannski of mikið.“vísir/gettyRifrildi við þjálfarann Þó hann væri orðinn heill var Aron samt á bekknum hjá AZ í byrjun nýs árs, en framherjinn var ekki sáttur við það. „Eftir jól lendi ég í smá rifrildi við þjálfarann. Mér fannst að ég ætti að vera að spila og hann var greinilega ekki sammála og tók mig úr liðinu,“ segir Aron. „Síðan kemur að því að maður þarf að leggja sig fram. Það þýðir ekkert að vera að væla þannig ég lagði meira á mig en allir aðrir og þegar ég loks fékk að spila nokkra leiki í byrjunarliðinu í röð fór þetta að detta inn. Það var ekki verra að skora 1-2 mörk.“ Aron á þrjú ár eftir af samningi sínum við AZ Alkmaar, en frammistaða hans undanfarin misseri hefur vakið athygli og er ekki útilokað að hann færi sig um set. „Nú taka við tveir rosalega flottir landsleikir á móti Hollandi og Þýskalandi og síðan getur allt gerst. Ég sætti mig alveg við að taka annað tímabil í Alkmaar en ef að eitthvað kemur upp sem er skemmtilegt og félagið er sátt og ég sáttur þá má skoða það,“ segir Aron. „AZ er í góðri stöðu því það þarf ekki að selja mig. Ef það kemur tilboð sem það er ekki sátt við þarf félagið ekki að taka því,“ bætir hann við, en er eitthvað að gerast í hans málum? „Það eru alltaf smá þreyfingar hér og þar og sérstaklega þegar maður endar tímabilið svona vel. Ég klaraði tímabilið mjög vel og þá dettur alltaf eitthvað inn. Þegar svona lítið er í gangi þá er óþarfi að vera tala um það. Þegar ekkert gerist svo lítur maður kjánalega úr,“ segir Aron.Aron Jóhannsson gæti verið í byrjunarliðinu í næstu leikjum bandaríska landsliðsins.vísir/gettySumir taka þessu verr en aðrir Ákvörðun Arons um að gerast bandarískur landsliðsmaður og spila ekki fyrir íslenska landsliðið vakti mikla athygli og nokkra reiði á sínum tíma. Honum hefur ekki enn verið fyrirgefið af öllum. „Það er ekkert sem ég tek persónulega. Stundum eru einhverjar fréttir á fótbolti.net eða 433 um mig og þá er fólk duglegt að skrifa athugasemdir og spyrja af hverju sé verið að tala um þennan helvítis Kana. Það er bara eins og gengur og gerist. Sumir taka þessu svoleiðis og aðrir ekki,“ segir Aron. „Ég er ekkert viðkvæmur fyrir þessu og kippi mér ekkert upp við þetta þegar ég sé svona. Í kringum HM og fyrir HM voru sumir fjölskyldumeðlimir sem tóku þetta meira inn á sig heldur en ég.“vísir/gettyÍsland fer á EM MLS-deildin í Bandaríkjunum hefur vaxið og dafnað mikið undanfarin ár. Ein ástæða þess er vilji deildarinnar til að lokka bandaríska landsliðsmenn heim frá Evrópu, en margir hafa snúið aftur á síðustu tveimur árum. „Ég vona að í framtíðinni fái ég að spila þar. Ég vona það innilega. Sólarliðin eins og í LA og Flórída eru virkilega spennandi en maður kíkir bara á það sem býðst,“ segir Aron, en gæti það gerst í sumar? „Nei, ekki sem ég veit af allavega. Tímabilið er bara nýbúið hjá mér, en þegar það er í gangi er maður bara að hugsa um AZ. Maður kíkir kannski eitthvað á þetta í sumar.“ Aron er búinn að fara á eitt stórmót með Bandaríkjunum og vonast vitaskuld til að vera í hópnum á næstu mótum; Gullbikarnum og Suður-Ameríkukeppninni á næsta ári. Hann er bjartsýnn á að Íslendingar komist á stórmót í fyrsta sinn og segist ætla að mæta á leikinn í Hollandi í ágúst verði hann ekki sjálfur upptekinn. „Ef strákarnir klára þetta tólfta júní [gegn Tékklandi] þá er þetta komið held ég. Það væri alveg frábært fyrir alla íslensku leikmennina og íslensku þjóðina að komast á stórmót. Ég vona svo innilega að það gerist. Ég mæti á leikinn gegn Hollandi ef ég verð ekki sjálfur í bandaríska landsliðinu. En vonandi verð ég áfram í því,“ segir Aron Jóhannsson. Hlusta má á viðtalið í spilaranum hér að ofan.
Fótbolti Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Ákærður fyrir að slá barn sitt með blautu handklæði Sport Landsliðsmaður blandar sér í umræðuna um umdeilda sigurkörfu Njarðvíkinga Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn „Röng ákvörðun af minni hálfu og ég tek fulla ábyrgð“ Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn Sjá meira