Innlent

Segir Bjarna hafa kosið óvart vitlaust og stjórnarmeirihlutann fylgt með

Birgir Olgeirsson skrifar
Jón Þór Ólafsson og Bjarni Benediktsson.
Jón Þór Ólafsson og Bjarni Benediktsson. Vísir/Valli/GVA
Töluverðar umræður hafa átt sér stað vegna hjásetu Pírata við atkvæðagreiðslu á Alþingi. Bjarni Benediktsson fjármálaráðherra gagnrýndi útskýringar Birgittu Jónsdóttur á hjásetu Pírata og sagði að hún ætti ekki að taka skjól í starfsháttum þingsins en Birgitta hafði sagt í fréttum Stöðvar 2 á páskadag að Píratar gætu ekki kynnt sér öll málin sem kosið er um.

Bjarni sagði Birgittu vera í sömu stöðu og aðrir þingmenn og vildi meina að málafjöldinn væri lítill á Alþingi borið saman við önnur þing . Þá sagði hann Birgittu hafa tekið afstöðu á þingi, ýmist með Vinstri grænum, Borgarahreyfingunni, Hreyfingunni og Pírötum.

Þeir sem nenna geta fundið skemmtilegar atkvæðagreiðslur þar sem Bjarni Ben kýs óvart vitlaust og ráðherrarnir hinir...

Posted by Jón Þór Ólafsson on Monday, April 6, 2015
Jón Þór Ólafsson, þingmaður Pírata, ritar athugasemd við frétt Vísis af málinu frá því í gær en þar segir hann þá sem nenna geta fundið skemmtilegar atkvæðagreiðslur þar sem Bjarni Benediktsson kýs óvart vitlaust og ráðherrarnir fylgja og allir stjórnarþingmennirnir með.

„Svo leiðréttir hann atkvæðið og allir fylgja. Sérlega skemmtilegt er þegar Bjarni kýs með máli, heldur svo að hann hafi kosið vitlaust og fer af græna á rauða takkann, bara til að átta sig á því því að hann átti að vera á græna og að allir stjórnarþingmennirnir fylgdu með svo atkvæðataflan lítur út eins og blikkandi jólaljós, rauð og græn, sönn saga af Alþingi,“ skrifar Jón Þór.


Tengdar fréttir

Telja það ábyrgt að sitja hjá

Píratar leggja fram rúmlega 10 prósent allra þingmála á Alþingi þótt þeir séu bara með 4,7 prósent þingsæta. Þingmenn flokksins hafa verið gagnrýndir fyrir að sitja mikið hjá við atkvæðagreiðslur en þeir segja betra að sitja hjá en greiða atkvæði gegn málum "af því bara."

Bubbi orðinn stuðningsmaður Pírata

Tónlistarmaðurinn Bubbi Morthens ætlar að kjósa Pírata í næstu kosningum þrátt fyrir málflutning þeirra í tengslum við ólöglegt niðurhal á tónlist.

Helgi segir ríkja lýðræðiskrísu

Töluverðar breytingar eru á fylgi flokka milli mánaða í könnun Gallup en Píratar auka fylgi sitt um rösklega sex prósentustig.




Fleiri fréttir

Sjá meira


×