Vilja leyfa MMA á Íslandi 25. mars 2015 11:33 Guðlaugur Þór vinnur nú að því að plægja jarðveginn í þingi áður en hann leggur fram frumvarp þess efnis að MMA verði leyfilegt á Íslandi. Guðlaugur Þór Þórðarson, þingmaður Sjálfstæðisflokks, hyggst leggja fram frumvarp sem miðar að því að blandaðar bardagaíþróttir, eða MMA, verði leyfðar hér á landi, en þær eru bannaðar eins og kunnugt er; menn æfa íþróttina en þurfa að fara út fyrir landsteina til að keppa. Guðlaugur Þór gerir ráð fyrir átökum um málið en vill forðast sleggjudóma. Þingskjali verður dreift á Alþingi á eftir, en þar fer Guðlaugur Þór, fram á það að Illugi Gunnarsson mennta- og menningarmálaráðherra og ráðherra íþróttamála, flytji skýrslu um hvernig staðið var að umræðu í Svíþjóð og svo lögleiðingu á blönduðum bardagaíþróttum, þeim sem Gunnar Nelson hefur verið að keppa í og gera garðinn frægan.Guðlaugur Þór sýnir þau klókindi að beita Svíum fyrir vagninn, enda það svo að allt er þar bannað nema það sé sérstaklega leyft.Vill koma sér hjá sleggjudómunumSvíþjóð, Guðlaugur Þór, hvað koma Svíar þessu máli við? „Málið er einfalt. Ég sé enga ástæðu fyrir okkur að finna upp hjólið. Það hefur þegar verið gert. Svíþjóð er land þar sem allt er bannað ef það er ekki sérstaklega leyft. Þeir eru búnir að fara mjög vel yfir þetta, tóku sér góðan tíma í það og skoðuðu mjög vel. Niðurstaða þeirra er að lögleiða þetta. Það sem ég er að fara fram á, ásamt fleiri þingmönnum, er að ráðherra upplýsi okkur um hvað lá til grundvallar. Þannig að við höfum allar þær upplýsingar sem við þurfum til að taka málefnalega og upplýsta ákvörðun. Í stað þess að fara í þetta hefðbundna þjark sem oft er vonast ég til að við ræðum þetta út frá staðreyndum en ekki sleggjudómum.“ Í kjölfar þessa ætlar Guðlaugur Þór svo að leggja fram frumvarp sem gengur út á að þessi tegund bardagaíþrótta verði leyfð á Íslandi. „Sú var niðurstaða Svíanna eftir þessa skoðun og ég get ekki séð að það séu neinar aðrar forsendur hér. En, til að sýna fram á það með málefnalegum hætti fer ég þessa leið. Já, ég tel að það sé skynsamlegt að lögleiða þessa íþrótt og hafa um hana vandaða löggjöf.“Árið 2002 barðist Gunnar I. Birgisson fyrir því að hnefaleikar yrðu leyfðir á Íslandi og urðu veruleg átök um það mál.Mynd úr DVGerir ráð fyrir átökum um máliðGuðlaugur Þór vonar að skýrsla ráðherra komi fram á vordögum, eða í sumar og í kjölfarið, eða næsta haust mun þá frumvarp líta dagsins ljós. En, þetta er umdeilt mál. Og þegar breytingar á lögum um ólympíska hnefaleika voru til umfjöllunar, risu upp miklir úfar með fólki. Guðlaugur Þór býst alveg við því að það verði slagur um málið. „Ég vonast eftir góðri og málefnalegri umræðu um þetta mál. Ef hún verður málefnaleg, þá er þetta í lagi. Við erum nú þegar að taka þátt í þessu, Íslendingar, og eigum þegar mjög hæft fólk í þessu eins og frægt er orðið. Það er keppt í þessu í þeim löndum sem við viljum bera okkur saman við. En, eðli máls samkvæmt, þá eru skiptar skoðanir. Það er allt í lagi, svo fremi að menn tali út frá staðreyndum.“ Ef þingmeirihluti verður fyrir þessu mega Íslendingar vænta þess að sjá okkar frægasta kappa á þessu sviði, Gunnar Nelson, keppa í MMA á íslenskri grundu. Í greinargerð þingskjalsins er til að mynda bent á að þetta gæti haft mjög jákvæð áhrif á ferðaþjónustu í landinu. „Við gætum, svo dæmi er tekið, stefnt að slíkum bardögum þegar ferðamannastraumur er minni. En, já, Gunnar Nelson þyrfti þá ekki að fara út til að keppa í þeirri íþrótt sem hann æfir og er algerlega frábær í, eins og allir vita.“Víst er að MMA býður uppá mikil tilþrif og blóð.Flestar íþróttagreinar hættulegarEn, og aftur; þetta er blóðug íþrótt. Hjá því verður ekki litið. Má ekki fastlega gera ráð fyrir því að aðilar sem vilja banna allt slíkt, muni láta hraustlega í sér heyra? „Þessi íþrótt er ekki hættulaus. Ekki frekar en flestar aðrar íþróttir. Í það minnsta mjög margar. Ég held hins vegar að við viljum ekki banna allar þær íþróttir sem fela einhverjar hættur í sér. Þær yrðu fáar eftir. Helst skákin sem myndi sleppa. Við vitum að því miður verða slys í mörgum íþróttum, en menn verða auðvitað að ræða það út frá staðreyndum og með málefnalegum hætti. Að sjálfsögðu verðum við að fara eins varlega og hægt er og þess vegna er ég að biðja um þessa skýrslu. Hvað hefur verið rannsakað á þessu sviði og hver niðurstaðan hefur verið? Ég efast ekki um að vinir okkar á Norðurlöndum hafi, þegar þeir samþykktu þessi lög, gert það með því markmiði að lágmarka þá hættu sem til staðar er.“Mjölnismenn fagnaHaraldur Dean Nelson, faðir og umboðsmaður Gunnars, og reyndar allir félagar í íþróttafélaginu Mjölni, þar sem lögð er stund á MMA, fagnar mjög þessu framtaki Guðlaugs Þórs. Hann segir að í raun séu engin eiginleg lög sem banni MMA en þeir hjá Mjölni séu sammála um að best sé að fara að dæmi nágrannaþjóða okkar og setja sérstök lög eða regluverk utan um sportið til að tryggja að staðið verði að keppnum í blönduðum bardagaíþróttum af fagmennsku hér á landi og öryggi keppenda tryggt eins og best er á kosið: „Vonandi verður þetta til þess að hægt væri að halda keppni í íþróttinni hér á landi sem fyrst en eins og staðan er í dag þurfa allir þeir sem stunda íþróttina sem keppnisgrein að fara erlendis til að öðlast keppnisreynslu með tilheyrandi kostnaði og fyrirhöfn,“ segir Haraldur Dean Nelson.Nelson-feðgar. Nú geta aðdáendur Gunnars og MMA bundið við það vonir að sjá Gunnar keppa í íþrótt sinni á íslenskri grundu.UFC vill standa að bardaga hérOg þá sperrast væntanlega eyru á hinum fjölmörgu aðdáendum Gunnars Nelson og áhugamönnum um MMA. „Við vitum af áhuga erlendra keppenda sem og mótshaldara á að keppa eða standa að keppni á Íslandi og við erum nú þegar með þó nokkra keppendur sem eru tilbúnir í slaginn en kostnaður vegna ferða til útlanda stendur í vegi fyrir frekari keppnisreynslu eins og áður segir. Fulltrúar stærsta MMA samband heims, UFC, hafa lýst því yfir í samræðum við mig að þeir hafi áhuga á að koma til Íslands og svo er um fleiri. Það er því helling í kortunum um leið og búið verður að ganga frá lagalegri umgjörð.“ Alþingi Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Eygir vonarneista í fyrsta sinn í marga mánuði Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Segir dregið úr veiðum á grundvelli „Walt Disneylíffræði“ Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Árborg girnist svæði Flóahrepps Innlent Brunarústirnar fjarlægðar tveimur árum eftir brunann Innlent Fleiri fréttir Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Sjá meira
Guðlaugur Þór Þórðarson, þingmaður Sjálfstæðisflokks, hyggst leggja fram frumvarp sem miðar að því að blandaðar bardagaíþróttir, eða MMA, verði leyfðar hér á landi, en þær eru bannaðar eins og kunnugt er; menn æfa íþróttina en þurfa að fara út fyrir landsteina til að keppa. Guðlaugur Þór gerir ráð fyrir átökum um málið en vill forðast sleggjudóma. Þingskjali verður dreift á Alþingi á eftir, en þar fer Guðlaugur Þór, fram á það að Illugi Gunnarsson mennta- og menningarmálaráðherra og ráðherra íþróttamála, flytji skýrslu um hvernig staðið var að umræðu í Svíþjóð og svo lögleiðingu á blönduðum bardagaíþróttum, þeim sem Gunnar Nelson hefur verið að keppa í og gera garðinn frægan.Guðlaugur Þór sýnir þau klókindi að beita Svíum fyrir vagninn, enda það svo að allt er þar bannað nema það sé sérstaklega leyft.Vill koma sér hjá sleggjudómunumSvíþjóð, Guðlaugur Þór, hvað koma Svíar þessu máli við? „Málið er einfalt. Ég sé enga ástæðu fyrir okkur að finna upp hjólið. Það hefur þegar verið gert. Svíþjóð er land þar sem allt er bannað ef það er ekki sérstaklega leyft. Þeir eru búnir að fara mjög vel yfir þetta, tóku sér góðan tíma í það og skoðuðu mjög vel. Niðurstaða þeirra er að lögleiða þetta. Það sem ég er að fara fram á, ásamt fleiri þingmönnum, er að ráðherra upplýsi okkur um hvað lá til grundvallar. Þannig að við höfum allar þær upplýsingar sem við þurfum til að taka málefnalega og upplýsta ákvörðun. Í stað þess að fara í þetta hefðbundna þjark sem oft er vonast ég til að við ræðum þetta út frá staðreyndum en ekki sleggjudómum.“ Í kjölfar þessa ætlar Guðlaugur Þór svo að leggja fram frumvarp sem gengur út á að þessi tegund bardagaíþrótta verði leyfð á Íslandi. „Sú var niðurstaða Svíanna eftir þessa skoðun og ég get ekki séð að það séu neinar aðrar forsendur hér. En, til að sýna fram á það með málefnalegum hætti fer ég þessa leið. Já, ég tel að það sé skynsamlegt að lögleiða þessa íþrótt og hafa um hana vandaða löggjöf.“Árið 2002 barðist Gunnar I. Birgisson fyrir því að hnefaleikar yrðu leyfðir á Íslandi og urðu veruleg átök um það mál.Mynd úr DVGerir ráð fyrir átökum um máliðGuðlaugur Þór vonar að skýrsla ráðherra komi fram á vordögum, eða í sumar og í kjölfarið, eða næsta haust mun þá frumvarp líta dagsins ljós. En, þetta er umdeilt mál. Og þegar breytingar á lögum um ólympíska hnefaleika voru til umfjöllunar, risu upp miklir úfar með fólki. Guðlaugur Þór býst alveg við því að það verði slagur um málið. „Ég vonast eftir góðri og málefnalegri umræðu um þetta mál. Ef hún verður málefnaleg, þá er þetta í lagi. Við erum nú þegar að taka þátt í þessu, Íslendingar, og eigum þegar mjög hæft fólk í þessu eins og frægt er orðið. Það er keppt í þessu í þeim löndum sem við viljum bera okkur saman við. En, eðli máls samkvæmt, þá eru skiptar skoðanir. Það er allt í lagi, svo fremi að menn tali út frá staðreyndum.“ Ef þingmeirihluti verður fyrir þessu mega Íslendingar vænta þess að sjá okkar frægasta kappa á þessu sviði, Gunnar Nelson, keppa í MMA á íslenskri grundu. Í greinargerð þingskjalsins er til að mynda bent á að þetta gæti haft mjög jákvæð áhrif á ferðaþjónustu í landinu. „Við gætum, svo dæmi er tekið, stefnt að slíkum bardögum þegar ferðamannastraumur er minni. En, já, Gunnar Nelson þyrfti þá ekki að fara út til að keppa í þeirri íþrótt sem hann æfir og er algerlega frábær í, eins og allir vita.“Víst er að MMA býður uppá mikil tilþrif og blóð.Flestar íþróttagreinar hættulegarEn, og aftur; þetta er blóðug íþrótt. Hjá því verður ekki litið. Má ekki fastlega gera ráð fyrir því að aðilar sem vilja banna allt slíkt, muni láta hraustlega í sér heyra? „Þessi íþrótt er ekki hættulaus. Ekki frekar en flestar aðrar íþróttir. Í það minnsta mjög margar. Ég held hins vegar að við viljum ekki banna allar þær íþróttir sem fela einhverjar hættur í sér. Þær yrðu fáar eftir. Helst skákin sem myndi sleppa. Við vitum að því miður verða slys í mörgum íþróttum, en menn verða auðvitað að ræða það út frá staðreyndum og með málefnalegum hætti. Að sjálfsögðu verðum við að fara eins varlega og hægt er og þess vegna er ég að biðja um þessa skýrslu. Hvað hefur verið rannsakað á þessu sviði og hver niðurstaðan hefur verið? Ég efast ekki um að vinir okkar á Norðurlöndum hafi, þegar þeir samþykktu þessi lög, gert það með því markmiði að lágmarka þá hættu sem til staðar er.“Mjölnismenn fagnaHaraldur Dean Nelson, faðir og umboðsmaður Gunnars, og reyndar allir félagar í íþróttafélaginu Mjölni, þar sem lögð er stund á MMA, fagnar mjög þessu framtaki Guðlaugs Þórs. Hann segir að í raun séu engin eiginleg lög sem banni MMA en þeir hjá Mjölni séu sammála um að best sé að fara að dæmi nágrannaþjóða okkar og setja sérstök lög eða regluverk utan um sportið til að tryggja að staðið verði að keppnum í blönduðum bardagaíþróttum af fagmennsku hér á landi og öryggi keppenda tryggt eins og best er á kosið: „Vonandi verður þetta til þess að hægt væri að halda keppni í íþróttinni hér á landi sem fyrst en eins og staðan er í dag þurfa allir þeir sem stunda íþróttina sem keppnisgrein að fara erlendis til að öðlast keppnisreynslu með tilheyrandi kostnaði og fyrirhöfn,“ segir Haraldur Dean Nelson.Nelson-feðgar. Nú geta aðdáendur Gunnars og MMA bundið við það vonir að sjá Gunnar keppa í íþrótt sinni á íslenskri grundu.UFC vill standa að bardaga hérOg þá sperrast væntanlega eyru á hinum fjölmörgu aðdáendum Gunnars Nelson og áhugamönnum um MMA. „Við vitum af áhuga erlendra keppenda sem og mótshaldara á að keppa eða standa að keppni á Íslandi og við erum nú þegar með þó nokkra keppendur sem eru tilbúnir í slaginn en kostnaður vegna ferða til útlanda stendur í vegi fyrir frekari keppnisreynslu eins og áður segir. Fulltrúar stærsta MMA samband heims, UFC, hafa lýst því yfir í samræðum við mig að þeir hafi áhuga á að koma til Íslands og svo er um fleiri. Það er því helling í kortunum um leið og búið verður að ganga frá lagalegri umgjörð.“
Alþingi Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Eygir vonarneista í fyrsta sinn í marga mánuði Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Segir dregið úr veiðum á grundvelli „Walt Disneylíffræði“ Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Árborg girnist svæði Flóahrepps Innlent Brunarústirnar fjarlægðar tveimur árum eftir brunann Innlent Fleiri fréttir Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Sjá meira