Friðarviðræður í Suður-Súdan sigla í strand

Friðarviðræður ríkisstjórnar Suður-Súdans og fulltrúa uppreisnarmanna í landinu eru strand og hefur nýr fundur ekki verið bókaður í deilunni. Sáttasemjari í deilunni greinir frá þessu.

Í gær var greint frá því að í dag yrði tilkynnt um skipan nýrrar þjóðstjórnar sem deiluaðilar hefðu komið sér saman um. Í frétt SVT segir að ekkert verði af því.

Deilan milli ríkisstjórnar landsins og uppreisnarmanna hófst í desember 2013 þegar forsetinn Salva Kiir sakaði varaforsetann Riek Machar um tilraun til vandaráns.

Sveitir hliðhollar þeim Kiir og Machar hafa staðið í átökum síðan þrátt fyrir að margoft hafi verið skrifað undir samkomulag um vopnahlé.

Rúmlega 10 þúsund manns hafa látist í átökunum og hafa um 1,5 milljónir manna neyðst til að flýja heimili sín.