Hélt alltaf að Ferðalok fjallaði um Hornafjörð Gunnþóra Gunnarsdóttir skrifar 1. september 2015 10:15 „Ég fékk ekkert að vera í bílskúrsböndunum, heldur var bara kominn í fullorðinsmúsík mjög snemma,“ rifjar Grétar upp. Vísir/GVA Þó að langt sé síðan Grétar Örvarsson varð þekkt nafn í tónlistarlífi landsmanna hefur hann ekki gefið út sólódisk fyrr en í dag. „Ég hef bara spilað og sungið á plötum, kasettum og diskum með Stjórninni, við gáfum út, ef ég man rétt, sjö plötur. Svo gaf ég líka út diskinn Milli mín og þín með Bjarna Ara á sínum tíma,“ segir Grétar, þegar hann lýsir útgáfuferlinum. Grétar ólst upp austur á Hornafirði og var fjórtán ára farinn að spila opinberlega við ýmis tækifæri. „Mamma, Karen Karlsdóttir, hjálpaði mér að kaupa hljóðfæri, það var Yamaha, tveggja borða orgel með fótbassa,“ rifjar hann upp. Hann kveðst hafa verið í píanónámi hjá Sigjóni Bjarnasyni á Brekkubæ en lært líka mikið bara sjálfur. „Ég fór snemma að spila með mönnum sem voru aðeins eldri en ég og skipuðu mér að fara að spila djass-standarda og gömlu dansana. Ég fékk ekkert að vera í bílskúrsböndunum heldur var bara strax kominn í fullorðinsmúsík. Þá voru böll um hverja helgi og ég fékk undanþágu hjá sýslumanninum, Friðjóni Guðröðarsyni, til að spila á Hótel Höfn, þar sem var vínveitingaleyfi. Sautján ára stofnaði ég svo mína fyrstu hljómsveit austur á Hornafirði. Þetta var allt rosalega góður skóli sem ég bý alltaf að." Faðir Grétars var hinn landsþekkti harmóníkuleikari Örvar Kristjánsson. Skyldu þeir feðgar ekki hafa troðið upp saman? „Jú, þegar ég var kominn til Reykjavíkur í nám, átján, nítján ára, greip ég oft í að spila með pabba, meðal annars á Skálafelli á Hótel Esju (sem nú heitir Nordica hótel) og fór með honum að spila á þorrablóti Íslendinga í Stokkhólmi. Fljótlega var ég samt kominn með mína eigin sveit, Hljómsveit Grétars Örvarssonar, og 23 ára orðinn hljómsveitarstjóri á Hótel Sögu, þar spilaði ég í mörg ár, bæði í Átthagasal og Súlnasal og árið 1988 stofnaði ég svo Stjórnina.“ Lengi býr að fyrstu gerð og með diskinum sem nú er að koma út leitar Grétar til fortíðar í gömlu góðu dægurlögin. Hann tekur fyrir þekkt íslensk og skandinavísk lög, með íslenskum textum og syngur þau öll. Auk þess syngja þrjár söngkonur með honum jafnmarga dúetta, Stefanía Svavarsdóttir, Heiða Ólafsdóttir og Elísabet Ormslev. „Allt frábærar söngkonur,“ segir Grétar og tekur líka fram að fjöldinn allur af góðum hljóðfæraleikurum spili með honum á diskinum. Grétar er ekkert að flækja málin þegar kemur að nafngift disksins sem heitir Ellefu dægurlög. Kvöldsigling Gísla Helgasonar hljómar þar í nýrri útsetningu og meðal laga eru Eina nótt (Láttu mjúkra lokka flóð), Þannig týnist tíminn og Ferðalok. „Ég hélt alltaf að Ferðalok væri samið um Hornafjörð,“ segir Grétar, „Sól slær silfri á voga, sjáðu jökulinn loga… - mjög hornfirsk mynd. Þegar ég fór að huga að útgáfutónleikum kom bara einn staður til greina. Ég ætla að halda þá „heima“ á Hornafirði þann 19. september og að sjálfsögðu á Hótel Höfn þar sem ég byrjaði.“ Tónlist Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið „Ef ég gæti hnoðað einn úr tíu bestu væri það himnaríki á jörð“ Lífið Í lagi að sætta sig við að vera barnlaus Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Bashar Murad endurgerir palestínskt lag föður síns Lífið Ísrael skyndilega talið líklegt til að vinna Eurovision Lífið Fleiri fréttir Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Þó að langt sé síðan Grétar Örvarsson varð þekkt nafn í tónlistarlífi landsmanna hefur hann ekki gefið út sólódisk fyrr en í dag. „Ég hef bara spilað og sungið á plötum, kasettum og diskum með Stjórninni, við gáfum út, ef ég man rétt, sjö plötur. Svo gaf ég líka út diskinn Milli mín og þín með Bjarna Ara á sínum tíma,“ segir Grétar, þegar hann lýsir útgáfuferlinum. Grétar ólst upp austur á Hornafirði og var fjórtán ára farinn að spila opinberlega við ýmis tækifæri. „Mamma, Karen Karlsdóttir, hjálpaði mér að kaupa hljóðfæri, það var Yamaha, tveggja borða orgel með fótbassa,“ rifjar hann upp. Hann kveðst hafa verið í píanónámi hjá Sigjóni Bjarnasyni á Brekkubæ en lært líka mikið bara sjálfur. „Ég fór snemma að spila með mönnum sem voru aðeins eldri en ég og skipuðu mér að fara að spila djass-standarda og gömlu dansana. Ég fékk ekkert að vera í bílskúrsböndunum heldur var bara strax kominn í fullorðinsmúsík. Þá voru böll um hverja helgi og ég fékk undanþágu hjá sýslumanninum, Friðjóni Guðröðarsyni, til að spila á Hótel Höfn, þar sem var vínveitingaleyfi. Sautján ára stofnaði ég svo mína fyrstu hljómsveit austur á Hornafirði. Þetta var allt rosalega góður skóli sem ég bý alltaf að." Faðir Grétars var hinn landsþekkti harmóníkuleikari Örvar Kristjánsson. Skyldu þeir feðgar ekki hafa troðið upp saman? „Jú, þegar ég var kominn til Reykjavíkur í nám, átján, nítján ára, greip ég oft í að spila með pabba, meðal annars á Skálafelli á Hótel Esju (sem nú heitir Nordica hótel) og fór með honum að spila á þorrablóti Íslendinga í Stokkhólmi. Fljótlega var ég samt kominn með mína eigin sveit, Hljómsveit Grétars Örvarssonar, og 23 ára orðinn hljómsveitarstjóri á Hótel Sögu, þar spilaði ég í mörg ár, bæði í Átthagasal og Súlnasal og árið 1988 stofnaði ég svo Stjórnina.“ Lengi býr að fyrstu gerð og með diskinum sem nú er að koma út leitar Grétar til fortíðar í gömlu góðu dægurlögin. Hann tekur fyrir þekkt íslensk og skandinavísk lög, með íslenskum textum og syngur þau öll. Auk þess syngja þrjár söngkonur með honum jafnmarga dúetta, Stefanía Svavarsdóttir, Heiða Ólafsdóttir og Elísabet Ormslev. „Allt frábærar söngkonur,“ segir Grétar og tekur líka fram að fjöldinn allur af góðum hljóðfæraleikurum spili með honum á diskinum. Grétar er ekkert að flækja málin þegar kemur að nafngift disksins sem heitir Ellefu dægurlög. Kvöldsigling Gísla Helgasonar hljómar þar í nýrri útsetningu og meðal laga eru Eina nótt (Láttu mjúkra lokka flóð), Þannig týnist tíminn og Ferðalok. „Ég hélt alltaf að Ferðalok væri samið um Hornafjörð,“ segir Grétar, „Sól slær silfri á voga, sjáðu jökulinn loga… - mjög hornfirsk mynd. Þegar ég fór að huga að útgáfutónleikum kom bara einn staður til greina. Ég ætla að halda þá „heima“ á Hornafirði þann 19. september og að sjálfsögðu á Hótel Höfn þar sem ég byrjaði.“
Tónlist Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið „Ef ég gæti hnoðað einn úr tíu bestu væri það himnaríki á jörð“ Lífið Í lagi að sætta sig við að vera barnlaus Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Bashar Murad endurgerir palestínskt lag föður síns Lífið Ísrael skyndilega talið líklegt til að vinna Eurovision Lífið Fleiri fréttir Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira