Erna Friðriksdóttir varð níunda í svigi í flokki sitjandi á Vetrarólympíumóti fatlaðra í Sotsjí í Rúslandi í dag.
Hún var með níunda besta tímann af þeim níu keppendum sem hófu leik í seinni ferðinni en tveir heltust úr lestinni í fyrri ferðinni, þar á meðal forystusauðurinn AnnaSchaffelhuber sem var dæmd úr leik.
Erna byrjaði seinni ferðina illa efst í brekkunni en náði sér fljótt á strik og kom í mark á 1:36,89 mínútum en samanlagður tími hennar var 3:10,30 mínútur.
Hún var rétt tæpum 56 sekúndum á eftir Ólympíumeistaranum Önnu-LenuForster frá Þýskalandi. KimberlyJoines frá Kanada fékk silfur og LaurieStephens frá Bandaríkjunum hlaut bronsið.
Erna endaði í níunda í sviginu
Tengdar fréttir
Erna: Mjög góð tilfinning
Erna Friðriksdóttir var ánægð eftir fyrri ferðina í svigi í flokki sitjandi á Vetrarólympíumótinu í Sotsjí.
Erna í níunda sæti eftir fyrri ferðina
Erna Friðriksdóttir, Ólympíumótsfari, ræsir fyrst í seinni ferðinni í svigi í sitjandi flokki á ÓL í Sotsjí.
