Kominn úr öndunarvél

Maðurinn, sem fékk hjartastopp í sundlaug Akureyrar í liðinni viku, er kominn úr öndunarvél og samkvæmt upplýsingum frá Fjórðungssjúkrahúsinu er „allt á réttri leið“.

Maðurinn er á níræðisaldri og fannst meðvitundarlaus á botni laugarinnar. Hann var dreginn upp á bakkann þar sem framkvæmdar voru endurlífgunartilraunir frá fyrstu mínútu áður en hann var fluttur á sjúkrahúsið í bænum.

Talið er að snarræði unglinganna í Sundfélaginu Óðni hafi skipt sköpum í því að ekki fór verr en raun bar vitni.

Maðurinn er enn á gjörgæsludeild en hann verður líklega færður á legudeild „mjög fljótlega“.