Hornafjörður tilheyri Austurlandi

„Ekki er forsvaranlegt að slíta í sundur nýtt embætti lögreglunnar á Austurlandi þegar ekki liggur fyrir fjárhagsleg greining á styrk þess,“ segir bæjarráð Fljótsdalshéraðs, sem tekur undir það með bæjarráði Fjarðabyggðar að mikilvægt sé að lögreglan á Hornafirði verði áfram hluti af umdæmi lögreglunnar á Austurlandi.

Lögreglan á Hornafirði var sameinuð embætti sýslumannsins á Eskifirði árið 2007. „Ef til breytinga kemur verður að liggja fyrir að nýtt embætti lögreglustjóra á Austurlandi verði styrkt frekar til að það geti sinnt hlutverki sínu í framtíðinni,“ segir bæjarráð Fljótsdalshéraðs.

Bæjaryfirvöld á Hornafirði vilja að lögreglan í bænum færist undir embætti lögreglustjóra Suðurlands eins og stefnt hafi verið að þar til Sigmundur Davíð Gunnlaugsson, ákvað er hann gegndi embætti dómsmálaráðherra, að Hafnarlögreglan yrði áfram um sinn undir Austurlandsembættinu.