Innlent

Brenndust alvarlega í gassprengingu

Sigrún Ósk Kristjánsdóttir skrifar
Fyrir um sex árum hlutu sex ungmenni alvarleg brunasár þegar gassprenging varð í vinnuskúr í Grundargerðisgarði þar sem þau höfðu verið að sniffa gas.

Sprengingin var svo öflug að framhlið skúrsins rifnaði af og eldur logaði um allt. Ungmennin voru á aldrinum 13-16 ára, tvær stúlkur og fjórir drengir.

Í lokaþætti Neyðarlínunnar á Stöð 2 segja stúlkurnar tvær sögu sína í fyrsta skipti í þeirri von að það geti forðað öðrum frá því að standa í sömu sporum.

Auk þess verður í þættinum spilað símtal eins drengjanna til Neyðarlínunnar, en hann hringdi eftir aðstoð nokkrum mínútum eftir sprenginguna.

Meðfylgjandi er brot úr þættinum sem er á dagskrá Stöðvar 2 á sunnudag klukkan 20.10.


Tengdar fréttir

Var nær drukknaður í sundi

"Ég var á leiðinni í heita pottinn og ákvað þá að synda nokkrar ferðir eins og ég er vanur að gera. Þegar ég var búinn að synda eina til tvær ferðir þá leið yfir mig.”

Spila raunveruleg símtöl þar sem kallað er eftir hjálp

Ung kona sem eignast barn ein á baðherbergisgólfi, ökumaður sem hafnar á hvolfi í á eftir bílveltu og fjölskyldufaðir sem háls- og hryggbrotnar í sumarbústað. Þessi mál eru meðal umfjöllunarefnis í nýrri þáttaröð af Neyðarlínunni.

„Ég áttaði mig ekki á að mér var að blæða út”

Björgunarsveitarmaðurinn Daníel Magnússon lenti í alvarlegu slysi þar sem hann var einn á ferð í fjallgöngu á Botnssúlum í Hvalfirði, en þangað fór hann til að kanna aðstæður fyrir nýliðapróf Björgunarfélags Akraness.

Fékk heilablóðfall í ofsaveðri

„Þegar hann vaknaði um morguninn gat hann ekki talað,“ segir Rán Kristinsdóttir eiginkona Fannars Baldurssonar.

Höfuðleðrið rifnaði við fallið

Páll Kristinsson var að byggja sumarbústað við Meðalfellsvatn í Kjós ásamt mági sínum og tveimur tengdasonum þegar hann féll ofan af millilofti og lenti á höfðinu á steinsteyptu gólfi.

Mest lesið


Fleiri fréttir

Sjá meira


×

Mest lesið