Ungur drengur rappaði með Jay Z

Þegar að þessi tólf ára gamli aðdáandi Jay Z, bað um tækifæri til þess að sýna hæfni sína á bakvið hljóðnemann, hefur hann líklega ekki gert ráð fyrir því að goðsögnin myndi taka það í mál.

Það gerðist hins vegar á tónleikum Jay Z í Greensboro í Norður Karólínu um liðna helgi. Ungi pilturinn hélt á skilti sem á stóð Can I rap for you? sem myndi þýðast á íslensku, má ég rappa fyrir þig?

Jay Z bauð þessum tólf ára gamla dreng upp á svið, þar sem hann fór með rímur úr lagi Jay Z, Clique og heillaði alla þá sem voru í húsinu.

Síðar kom í ljós að drengurinn heitir Justin Kyler og fékk hann samkvæmt heimildum Metro magazine að hitta stjörnuna sína baksviðs eftir tónleikana.

Fyrir neðan er myndband af þessu skemmtilega atviki.