Mikið svell á Akureyri

Að sögn lögreglu var helgin óvenju róleg og virðast hátíðarnar hafa farið heilt yfir vel í mannskapinn. Þannig er fátt sem ekkert er fært til bókar í skýrslur lögreglunnar á Akureyri. Þetta er þrátt fyrir að talsverður fjöldi sé í bænum en margir koma „heim“ yfir jól og áramót, auk þess sem fólk sækir í skíðasvæðið í Hlíðarfjalli. Óvenju margir voru á „lífinu“ að sögn lögreglunnar en fór skemmtanahald vel fram.

Mikill snjór er í bænum og í nótt hefur verið hláka og því hafa myndast mikil svell og veruleg hálka á gönguleiðum og sumum götum.