Sjáðu myndbandið: Nemendur í Austurbæjarskóla syngja um fátækt

Krakkarnir í Austurbæjarskóla hafa í vetur unnið að áhugaverðu verkefni í samstarfi við Barnaheill – Save the children þar sem þau skoða fátækt í nærumhverfi sínu.

Upp úr verkefninu sömdu þau eigin texta við lagið Let it go úr teiknimyndinni Frozen og fengu tónlistarmennina Magnús Kjartansson og Jóhann Ásmundsson til að taka lagið upp í upptökuveri, en myndbandið má sjá hér fyrir neðan.

Með verkefninu vildu nemendur skora á stjórnvöld til að vinna gegn barnafátækt, en um tólf þúsund börn á Íslandi eiga á hættu að búa við fátækt og félagslega einangrun. Þetta kemur fram í nýrri skýrslu Barnaheilla sem segir einnig að fátækt hafi aukist hér á landi á árunum 2008 til 2012.