Beðið um lóð fyrir veitingastað við Hrafnagjá

Fjárfestar vilja byggja veitingastað á vegamótum við Hrafnagjá í austanverðum þjóðgarðinum.



Þingvallanefnd afgreiddi erindið ekki á síðasta fundi sínum. „Nú er unnið að stefnumótun um hvaða þjónustu eigi að veita í þjóðgarðinum en engar ákvarðanir hafa verið teknar um ýmis erindi sem borist hafa til Þingvallanefndar,“ segir Ólafur Örn Haraldsson þjóðgarðsvörður.

Engin hefðbundinn veitinga- og gistiþjónusta hefur verið í þjóðgarðinum á Þingvöllum síðan Hótel Valhöll brann til kaldra kola í júlí 2009. Fyrir um fjórum vikum fól Þingvallanefnd þjóðgarðsverðinum að leggja fram tillögurum hvers konar rekstur og starfsemi eigi að fara þar fram.