Hvernig verður Neyðarkallinn í ár?

Sala hefst á Neyðarkallinum svokallaða eftir tvo daga. Neyðarkallinn er seldur árlega til að afla fjár fyrir björgunarsveitir landsins en hann er lyklakippa í líki björgunarsveitarmanns.

Í dag birtist mynd á Facebook-síðu Slysavarnafélagsins Landsbjargar til að minna á að brátt hefst salan en þar er almenningur jafnframt hvattur til þess að giska á hvernig Neyðarkallinn í ár mun líta út. Undanfarinn ár hefur hann meðal annars verið í kafarabúning, björgunarvesti og á skíðum. 

Í fyrra var „hann“ svo kona í fyrsta sinn með skyndihjálparbúnað og upprúllað teppi á sér. 

Innlegg frá Slysavarnafélagið Landsbjörg.