Stöðvuðu mann með afritunarbúnað

Tollverðir í Flugstöð Leifs Eiríkssonar, stöðvuðu nýlega erlendan ferðamann við komuna til landsins. Grunur lék á að maðurinn hefði eitthvað óhreint í pokahorninu samkvæmt tilkynningu frá Tollinum.

„Svo reyndist vera því í farangri hans fannst búnaður til að afrita upplýsingar af greiðslukortum við notkun þeirra í hraðbönkum. Tollstjóri haldlagði búnaðinn.“

Maðurinn er búlgarskur ríkisborgari og var að koma frá Finnlandi þegar hann var stöðvaður. Lögreglan frá Suðurnesjum fór með rannsókn málsins og var honum frávísað.

Þetta mun vera í annað sinn sem tollverðir finna slíkan búnað í fórum ferðamanns á skömmum tíma. Í fyrra skiptið var einnig um búlgarskan ríkisborgara að ræða. Má hans hlaut sömu afgreiðslu og hins sem síðar kom.