Höfuðleðrið rifnaði við fallið

Páll Kristinsson var að byggja sumarbústað við Meðalfellsvatn í Kjós ásamt mági sínum og tveimur tengdasonum þegar hann féll ofan af millilofti og lenti á höfðinu á steinsteyptu gólfi.

Fallið var um þrír metrar. „Höfuðleðrið rifnaði strax frá enni og aftur á hnakka. Ég sá bara í höfuðkúpuna á honum,” segir Heiðar Arnfinnsson tengdasonur Páls.

Hann vissi ekki þá að tengdafaðir hans var einnig bæði háls- og hryggbrotinn og að minnsta hreyfing gæti valdið varanlegum skaða á mænunni.

Saga Páls verður sögð í þriðja þætti af Neyðarlínunni sem verður sýndur á Stöð 2 á sunnudag kl. 20.10.