Köstuðu vímuefnum út um gluggann

Lögreglan á höfuðborgarsvæðinu stöðvaði bíl við Hamraborg snemma í morgun, en vímuefnum var þá kastað út úr bílnum. Einn farþegi bílsins gekkst við að eiga efnin og hann var handtekinn og vistaður í fangageymslu.

Skömmu fyrir sex í morgun barst lögreglunni tilkynning um mann í Vesturbænum sem hafði lamið í framrúðu á bíl svo hún brotnaði.

Þá voru tveir ökumenn stöðvaðir í morgun. Annar grunaður um ölvun við akstur og hinn grunaður um vímuefnaakstur og vörslu fíkniefna.