Kom að ketti með hrygginn í tvennu lagi

„Þú þarna sem keyrðir á þá án þess að tilkynna það og ókst bara í burtu mátt skammast þín,“ skrifar Ingibergur Þór Ólafsson á Facebook-síðu sína. Snemma í morgun kom hann að tveimur köttum sem keyrt hafði verið á á Nýbýlavegi.

Annar kötturinn var dáinn en hinn var á lífi, þrátt fyrir að vera illa slasaður. Ingibergur segir frá því að sá hafi legið „úti á miðjum vegi með hrygginn í tvennt og aðra framlöppina í köku“. I

ngibergur hafði samband við lögreglu og segir frá því að hann hafi beðið í tvær klukkustundir eftir henni. Hann segir að sér hafi verið bannað að fara með köttinn, sem var á lífi, á dýraspítalann.

Í snörpu samtali við Vísi segist Ingibergur að lokum hafa gefist upp á biðinni og farið sjálfur með köttinn til dýralæknis. Kötturinn var á lífi þegar Ingibergur kom honum í læknishendur, en síðan þá hefur hann ekkert fengið að heyra um líðan kattarins.

Hér að neðan má sjá skrif Ingibergs um málið á Facebook.

Post by Ingibergur Þór Ólafarson.