Langþráður sigur hjá Liverpool

Liverpool lagði WBA 2-1 í ensku úrvalsdeildinni í fótbolta á heimavelli í dag. Liverpool var 1-0 yfir í hálfleik.

Adam Lallana kom Liverpool yfir rétt fyrir hálfleik eftir sendingu Jordan Henderson en Saido Berhino jafnaði metin úr vítaspyrnu á elleftu mínútu seinni hálfleiks.

Lítið hefur gengið hjá Liverpool að undanförnu en liðið vann engan leik í deildinni í september.

Henderson kom Liverpool aftur yfir á 61. mínútu eftir sendingu Raheem Sterling sem reyndist sigurmark leiksins.

Þriðji sigur Liverpool í deildinni staðreynd en liðið er með 10 stig eftir sjö leiki. WBA er með 8 stig.