Vigdís lagði til að Sigrún yrði ráðherra

„Það var algjör samstaða um þetta enda nýtur Sigrún mikils trausts innan Framsóknarflokksins,“ segir Sigurmundur Davíð Gunnlaugsson, forsætisráðherra.

Þingflokkur Framsóknarflokksins samþykkti í dag tillögu Sigmundar Davíðs, um breytingar á ríkisstjórn Íslands. Vísir greindi frá því fyrr í dag að á borðinu væri tillaga Sigmundar sem kynnt yrði á þingflokksfundi sem hófst klukkan 17.

Sigmundur segist hafa rætt málið við marga þingmenn innan flokksins og þar á meðal Vigdísi Hauksdóttur, formann fjárlaganefndar.

„Ég ræddi við Vigdís um þetta mál. Hún vildi meina að mikilvægt væri að Reykvíkingar ættu fulltrúa í ráðherrahóp Framsóknarmanna. Vigdís tilnefndi því sjálf Sigrúnu til verkefnisins,“ segir Sigmundur en Vigdís hefur áður talað fyrir því að hún hafi áhuga á því sitja í ráðherrastól.

„Ég er auðvitað gríðarlega ánægð með viðtökur félaganna. Þetta er mikilvægt ráðuneyti, það var stofnað til þess af Framsóknarflokknum og því geng ég stolt til verks,“ segir Sigrún Magnúsdóttir.

„Ég veit að ráðuneytið er vel skipað af fólki, þau eru með sérþekkinguna og ég vona bara að guð og fleiri verði mér hliðhollir. Ég þurfti að hugsa mig vel um eftir að Sigmundur ræddi við mig.“