Vill stækka griðasvæði hvala í Faxaflóa

Borgarstjórn Reykjavíkur samþykkti á fundi sínum í dag að skora á ríkisstjórnina að stækka griðasvæði hvala í Faxaflóa.

Í tilkynningu frá Reykjavíkurborg segir að borgarstjórn minnir á að gríðarmiklir hagsmunir íslenskrar ferðaþjónustu séu að veði.

„Uppbygging hvalaskoðunarfyrirtækja við Gömlu höfnina hefur styrkt og eflt fyrirtæki og mannlíf á svæðinu, þar sem þúsundir ferðamanna leggja leið sína á svæðið og njóta þar afþreyingar og þjónustu á borð við hjólaferðir, lundaskoðun og sjóstangveiði, fara í handverksbúðir, á kaffihús eða veitingahús. Því er ljóst að verði griðasvæðið ekki stækkað sé verið að fórna meiri hagsmunum fyrir minni. Tillagan var samþykkt með 14 atkvæðum og einni hjásetu,“ segir í tilkynningunni.