„Ekki hægt að finna hæfari mann í þetta djobb“

„Ábyggilegur, skemmtilegur, klár, traustur, góður pabbi, þrjóskur, heiðarlegur, hugrakkur og yndislegur,“ svona lýsa vinir, samstarfsfélagar og fjölskylda Ara Matthíassyni sem tekur við starfi Þjóðleikhússtjóra 1. janúar. 

Ari er fæddur í apríl 1964 og er yngstur sex systkina. Hann útskrifaðist frá Leiklistarskólanum 1991 og var fastráðinn við Borgarleikhúsið næstu tíu árin auk þess að leika í hinum ýmsu sjónvarpsþáttum og kvikmyndum og leikstýra. Síðan hefur hann bætt við sig MBA gráðu frá HR og meistaragráðu í hagfræði frá HÍ. 

Ari hefur síðustu ár starfað við ráðgjöf og markaðsmál, stundakennslu og á árunum 2006-2009 var hann framkvæmdastjóri SÁÁ. Hann tók við starfi framkvæmdastjóra Þjóðleikhússins 2010 og 1. janúar tekur hann við sem Þjóðleikhússtjóri. Tinnu Gunnlaugsdóttur líst vel á eftirmann sinn. 

„Ég held að hann Ari verði frábær Þjóðleikhússtjóri. Hann hefur reynslu af þessu húsi, er sjálfur listamaður og hefur mikla stjórnunarkunnáttu,“ segir Tinna. 

Nánar verður rætt við Tinnu, fjölskyldu Ara og vini sem ljóstra ýmsu upp í Íslandi í dag í kvöld. Ekki missa af nærmynd um Ara Matt í opinni dagskrá kl. 18:55.