Aldrei hafa fleiri doktorar útskrifast frá Háskóla Íslands

Aldrei hafa fleiri doktorar tekið við gullmerki Háskóla Íslands líkt og í dag. Samtals 79 doktorar, 30 karlar og 49 konur, tóku við merkinu á hátíð brautskráðra doktora sem haldin var í dag í Hátíðasal Háskóla Íslands. Um það bil þriðjungur doktoranna er með erlent ríkisfang frá 13 þjóðlöndum.

Háskólinn setti sér þá stefnu fyrir árin 2011-2016 að útskrifa 60-70 doktorsnema á ári. Háskólinn hefur nú náð því markmiði en brautskráðum doktorum hefur fjölgað um 156% frá árinu 2009. 

Samtals hafa 290 doktorar lokið doktorsgráðu frá Háskóla Íslands á tímabilinu 2009–2014 og þá stunda tæplega 500 nemendur doktorsnám við skólann.