Flotbryggja slitnaði upp

Flotbryggja í smábátahöfninni í Norðurfirði losnaði í norðaustanóveðrinu í gær. Flotbryggjan slitnaði frá landganginum og sleit upp keðjufestingar sem hún er fest í botninn í höfninni. Þetta kemur fram á Litla Hjalla.

Menn fóru í dag að festa flotbryggjuna til bráðabrigða og koma landganginum upp, en það þarf kafara til að ganga frá keðjufestingum í sjávarbotninn. Flotbryggjan rak fram og til baka í smábátahöfninni eftir að hún slitnaði upp í óveðrinu,hún var síðan dregin að steyptu bryggjunni í morgun.