Rannsaka kynferðisbrot gegn fatlaðri konu á Sólheimum

Lögreglan á Selfossi er með til rannsóknar ábendingu sem henni barst um mögulegt kynferðisbrot gegn fatlaðri konu á Sólheimum.

Þetta staðfestir Þorgrímur Óli Sigurðsson, aðstoðaryfirlögregluþjónn hjá lögreglunni á Selfossi, í samtali við fréttastofu en DV greindi fyrst frá málinu í morgun.

Rannsókn málsins er á frumstigi og hefur staðið yfir í um þrjár vikur. Maðurinn mun ekki vera starfsmaður á Sólheimum.

Þorgrímur segir að mál af þessum togi séu í forgangi og hafi lögreglan oftast nær sjötíu daga tímaramma til að klára rannsókn á slíkum málum.