Kostar 7.500 krónur á hvern metra að færa styttuna af Einari Ben

Það kostar 7.500 krónur á hvern metra að færa styttu Ásmundar Sveinssonar myndhöggvara af stórskáldinu og athafnamanninum Einari Benediktssyni frá Klambratúni í Reykjavík að fyrrverandi heimili skáldsins í Höfða við Borgartúni.

Í dag eru 150 ár frá því Einar fæddist. Tillaga um flutning styttunnar var upprunalega lögð fram af borgarfulltrúum Sjálfstæðisflokksins en aðdáendur skáldsins hafa einnig beitt sér fyrir því að styttan verði flutt úr trjárjóðri á Klambratúni að Höfða.

Tillaga Dags B. Eggertssonar borgarstjóra um flutninginn var endanlega samþykkt í borgarráði í gær. Kostnaðurinn er talinn verða um 15 milljónir króna og mun borgin greiða helming þess kostnaðar á móti hópi áhugafólks.