Bangsadagur á leikskólum

Börn víða á leikskólum landsins mættu með bangsana sína í skólann, sum jafnvel líka bara enn á náttfötunum.

Tilefnið er alþjóðlegi bangsadagurinn sem haldinn er þennan dag, á fæðingardegi Theodore Roosvelt fyrrverandi Bandaríkjaforseta eða Teddy Roosvelt eins og hann var kallaður. Fyrsti bangsinn, eða "Teddy bear" leit dagsins ljós fyrir meira en heilli öld, eftir að skopmynd birtist af Roosvelt forseta í Washington Post árið 1902 sem sýnir hann á veiðum og lítinn bjarnarhún í bakgrunni.

Það var Morris Michtom nokkur rússneskur innflytjandi sem ásamt konu sinni fékk þá hugmynd að búa til bangsann Teddy og selja tuskudýrið með gælunafni forsetans, sem ku þó víst ekki hafa verið neitt hrifinn af því að vera kallaður Teddy.

Í dag er bangsi stundum þó ekki bara bangsi. Börn á Marbakka í Kópavogi mættu í skólann í dag í þeim fatnaði sem best fer auðvitað með bangsanum, á náttfötunum.