Þyrla af Tríton til bjargar

Þyrla af danska varðskipinu Triton lenti í Reykjavík á áttunda tímanum með veikan mann af erlendu rannsóknarskipi, sem var statt um 500 sjómílur suðvestur af Reykjanesi, þegar skipstjórinn óskaði eftir aðstoð.

Skipstjórinn óskaði eftir þyrlu frá Landhelgisgæslunni, en vegalengdin var langt umfram flugdragi íslensku þyrlnanna þannig að haft var samband við Triton, sem var mun nærri rannsóknaskipinu. Þyrla af Triton sótti sjúklinginn og flutti yfir í Triton, sem sigldi fulla ferð áleiðis til lands uns flugdragi þyrlu Tritons varð næganlegt til Reykjavíkur, og hélt sjúklingurinn þá flugleiðis áfram til Reykjavíkur. Hann mun ekki vera í lífshættu.