Hvorki stórhlaup né eldgos í aðsigi

Veðurstofan varar enn við minniháttar jökulhlaupi í Múlakvísl, en þar hefur rafleiðni í vatni aukist og sömuleiðis í Jökulsá á Sólheimasandi. Þá hefur brennisteinslykt fundit af ánum.

Vísindamenn flugu yfir svæðið í gærkvöldi, og þótt skyggni hafi ekki verið eins og best verður á kosið, meta þeir stöðuna svo að hvorki stórhlaup né eldgos séu í aðsigi.

Mikil skjálftavirkni var í Mýrdalsjökli í fyrrinótt, en eitthvað virðist hafa dregið úr henni í nótt. Upptök skjálftanna voru á litlu dýpi en í aðdraganda eldgosa eru þau mun dýpri. Almannavarnadeild Ríkislögreglustjóra lýsti í gær yfir óvissustigi vegna þessa, sem þýðir að aukið erfirlit er haft með framvindu mála.